ខេត្តរតនគិរី: កម្លាំង នគរបាលក្រុងបានលុងសហការជាមួយកម្លាំងការិយាល័យគ្រឿងញៀននៃស្នងការដ្ឋាននគរបាលខេត្ត ចុះឃាត់ខ្លួនជនសង្ស័យ៣នាក់ពាក់ព័ន្ធករណីប្រើប្រាស់
នឹងជួញដូរថ្នាំញៀនកាលពីវេលា ម៉ោង៤នឹង១៥នាទីល្ងាច ថ្ងៃទី៧ ខែកុម្ភ: ឆ្នាំ២០១៧ នៅចំណុចភូមិអូរកន្សែង សង្កាត់បឹងកន្សែងក្រុងបានលុង។
នគរបាលក្រុងបានលុងបានឲ្យដឹងថា ឃាត់ខ្លួនជនសង្ស័យចំនួន៣នាក់៖ទី១- ឈ្មោះ ស៊ូ រតនា ភេទប្រុស អាយុ២៧ ឆ្នាំ ជនជាតិខ្មែរមុខរបរមិនពិតប្រាកដ
ទី២- ឈ្មោះ ពេជ្រ សំអូន ភេទប្រុស អាយុ២២ ឆ្នាំជនជាតិខ្មែរមុខរបរមិនពិតប្រាកដទី៣- ឈ្មោះ ហ៊ាន សៀក ភេទប្រុស អាយុ៣៦ ឆ្នាំជនជាតិខ្មែរមុខរបរមិនពិតប្រាកដ
វត្ថុតាងដកហូតរួមមានៈ ម្សៅក្រាមពណ៍សរថ្លា ២កូនថង់សង្ស័យជាសារធាតុញៀនដែលមានទម្ងន់២.៤១ក្រាម រួមទាំងសំបកថង់ដាវ ១ កាំបិតខ្លី១ វែង១ ពូថៅ១និងឧបករណ៍សំរាប់សេពមូយចំនួនទៀត។
បច្ចុប្បន្នជនសង្ស័យទាំង៣នាក់កំពង់ឃាត់ខ្លួន នៅអធិការដ្ឋាននគរបាលក្រុងបានលុងដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនិតិវិធីច្បាប់ ៕ដោយ: យក្ខឡោម
