ហ្វេងហួអាងៈ ភ្លៀងធ្លាក់ខ្លាំង និងទឹកជំនន់បានបន្តធ្លាក់តាំងពីថ្ងៃចន្ទមកជាច្រើនថ្ងៃ បានបណ្តាលឲ្យមានទឹកជំនន់នៅកណ្តាល និងខាងលិចប្រទេសចិន នេះបើតាមវេបសាយបរទេសចិនផ្សាយកាលពីថ្ងៃអង្គារ។ ទឹកជំនន់នេះបានធ្វើឲ្យប៉ះពាល់ដល់តំបន់ទីក្រុងទេសចរណ៍ដ៏ចំណាស់ និងជាកន្លែងដ៏ពេញនិយមហ្វេងហួអាង ភាគកណ្តាលនៃខេត្តហួណាន ប្រទេសចិន ហើយបានបង្អាក់ដំណើរទេសចរបរទេសក្នុងការចូលរួមពិធីបុណ្យ Dragon Boat Festival ផងដែរ។
ទីកន្លែងនោះមានស្ពានឆ្លងកាត់ទន្លេ Tuohe River ដែលជាទីកន្លែងទេសចរណ៍ដ៏ទាក់ទាញមួយ ប៉ុន្តែទឹកជំនន់បានស្ទើរតែពន្លិចទំនប់នេះទៅហើយ៕ 
