ក្រុងប៉េកាំងៈ ភេរវករ៩នាក់ត្រូវបានផ្តន្ទាទោសប្រហារជីវិត និងបីនាក់ផ្សេងទៀត ដែលបានកាត់ទោសប្រហារជីវិតជាមួយនឹងការពន្យារពេលឬព្យួរពីរឆ្នាំ ក្នុងចំណោម សាលក្រម នៅលើមនុស្ស 81 នាក់ដែលបានប្រព្រឹត្តសកម្មភាពភេរវកម្មដ៏ចលាចលនៅក្នុងតំបន់ ភាគពាយព្យនៃតំបន់ស្វយ័តស៊ីនជាំងអ៊ុយហ្គ័រ Uygur ។ នេះបើតាមវេបសាយបរទេសចិនឆាយណាដេលីកាលពីថ្ងៃព្រហស្បតិ៍។
តាមគណនីផ្លូវការវ៉េបូរបស់ទូរទស្សន៍ស៊ីស៊ីធីវី បានរាយការណ៍ព័ត៌មានកាលពីថ្ងៃព្រហស្បតិ៍ ថា តុលាការនៅ Tacheng , Urumqi , Aksu , Kezilesu Kirgiz , Kashgar និង ហូតាន់ បានលើកឡើង និងបរិយាយពីសាលក្រមនេះ ដែលពាក់ព័ន្ធនឹងបទចោទ 23 ករណីផ្សេងគ្នា។ ជនជាប់ចោទ ត្រូវបានគេចោទប្រកាន់ពីបទឧក្រិដ្ឋកម្ម រួមទាំងការរៀបចំឬចូលរួមក្នុងអង្គការភេរវករ , មនុស្សឃាតដោយចេតនា និងដុតផ្ទះសម្បែង ។
សូមបញ្ជាក់ថា ប្រទេសនេះបានចាប់ផ្តើមយុទ្ធនាការទូទាំងប្រទេសរយៈពេលមួយឆ្នាំ ប្រឆាំងនឹងភេរវកម្ម បន្ទាប់ពីមានការវាយប្រហារពីអំពើហិង្សា និងការស្លាប់ដ៏ច្រើនដោយសារក្រុមរ៉ាឌីកាល់ និងការបះបោរសាសនា។ លោក Yang huan អនុរដ្ឋមន្ត្រីប្រតិបត្តិនៃសន្តិសុខសាធារណៈ បាននិយាយថា តំបន់ ស្វយ័តស៊ីនជាំងអ៊ុយហ្គ័រ Uygur នឹងក្លាយជាសមរភូមិដ៏សំខាន់ ។
ការបើកយុទ្ធនាករប្រឆាំងនឹងភេរវកម្មនេះបានកើតឡើង បន្ទាប់ពីមានការវាយប្រហារ គ្រាប់បែក នាថ្ងៃទី២២ ខែឧសភា ឆ្នាំ២០១៤ ដែលបានបណ្តាលឲ្យបាត់បង់ជីវិតមនុស្ស 43 នាក់និងអ្នកស្រុក 94 នាក់រងរបួស នៅក្នុងទីផ្សារមួយនៅក្នុងតំបន់អ៊ុយរ៉ាំគី (Urumqi)។
រហូតមកដល់ពេលនេះ ប៉ូលិស បានឃុំខ្លួនជនសង្ស័យជាង 200 នាក់មកពី 23 ក្រុមនិង បានរកឃើញឧបករណ៍ផ្ទុះជាង 200លើកនៅហូតាន់ , Kashgar និងខេត្ត Aksu នៅភាគខាងត្បូងស៊ីនជាំង ដែលជាកន្លែងដែលភេរវករ និងក្រុមសាសនាជ្រុលនិយម គឺមាន ការតវ៉ា និងបង្កចលាចលជាទូទៅ ៕
