កំពង់ធំ៖ រថយន្តក្រុងដឹកអ្នកដំណើររបស់ក្រុមហ៊ុនពិភពរស្មីបុកជនរងគ្រោះ២នាក់ប្តីប្រពន្ធពីក្រោយនៅម៉ោង៩,២៥នាទីព្រឹកថ្ងៃទី២៧ ខែគុម្ភៈ ឆ្នាំ២០១៧មានគ្រោះ
ថ្នាក់ចរាចរណ៍មួយបានកើតឡើងតាមបណ្តោយផ្លូវជាតិលេខ៦ចន្លោះគីឡូម៉ែត្រលេខ១៩៨~១៩៩ក្និងសិ្ថតនៅភូមិក្រសាំង(ខ) ឃុំសាន់គរ ស្រុកកំពង់ស្វាយ ខេត្តកំពង់ធំ
យោងតាមប្រភពព័ត៍មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញរថយន្តក្រុងដឹកអ្នកដំណើររបស់ក្រមហ៊ុន ពិភពរស្មី ពណ៍បៃតងលាយសរពាក់ផ្លាកលេខ ភ្នំពេញ 3B-4595 បើកបរក្នុងល្បឿនយ៉ាងលឿនក្នុងទិសដៅមកពីខាងខេត្តសៀមរាប ទៅភ្នំពេញ ស្របទិសគ្នាជាមួយនឹងម៉ូតូជនរងគ្រោះ លុះមកដល់ចំនុចកើតហេតុខាងលើ រថយន្តក៏បានប៉ុកម៉ូតូពីក្រោយយ៉ាងពេញទំហឹងបណ្តាលឲ្យស្លាប់មុនស្ស២នាក់ដែលជាប្ដីប្រពន្ធ នៅនឹងកន្លែងកើតហេតុ ហើយអ្នកបើកបរឡានក្រុងបានចុះរត់គេចខ្លួនបាត់ស្រម៉ោល
ចំណែកជនរងគ្រោះបើកបរម៉ូតូសេ១២៥សេរី២០១៦ពាក់ផ្លាកលេខ កំពង់ធំ1H-8809 ឈ្មោះ អ៊ុំ ធត ភេទប្រុសអាយុ៦៥ឆ្នាំ និងអ្នករួមដំណើរជាមួយត្រូវជាប្រពន្ធឈ្មោះ ស៊ុន សុត ភេទស្រីអាយុ៥៧ឆ្នាំអ្នកទាំងពីស្លាប់នៅនឹងកន្លែងកើតហេតុ។
សមត្ថកិច្ចបញ្ជាក់ថាករណីគ្រោះថ្នាក់ខាងលើនេះបណ្តាលមកពីរថយន្តក្រុងបើកលឿនខ្វះការប្រុងប្រយ័ត្នក្រោយពេលកើតហេតុបន្ទាប់ពីធ្វើការវាស់វែងរួចសាកសព្វត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី ចំណែករថយន្តបង្ករ និងម៉ូតូត្រូវបានកម្លាំងអធិកានាំយកមករក្សាទុកនៅអធិការដ្ឋានស្រុកកំពង់ស្វាយដើម្បីអោយតំណាងក្រុមហ៊ុនចូលខ្លួនមកដោះស្រាយគ្នាតាមផ្លូវច្បាប់៕
