កំពង់ឆ្នាំង៖គ្រោះថ្នាក់ចរាចរណ៍រវាងម៉ូតូសង់កូរ៉េ បុកជាមួយម៉ូតូឌ្រីមស្មាស់រីវ៉ូ ក្នុងទិសដៅច្រាស់គ្នាពេញទំហឹង បណ្តាលអោយយុវជននិងយុវតី២នាក់បានរងរបួសធ្ងន់ធ្ងរ និងយុវជនម្នាក់ទៀតរងរបួសស្រាល។ហេតុការណ៍នេះបានកើតឡើងនៅវេលាម៉ោង២និង១៥នាទីថ្ងៃទី០៨ ខែមិថុនា
ឆ្នាំ២០១៤ នៅតាមផ្លូវក្រាលគ្រួសក្រហម ស្ថិតក្នុងភូមិក្តុល ឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
ប្រជាពលរដ្ឋនៅកន្លែងកើតហេតុបានប្រាប់អោយដឹងថា៖មុនពេលកើតហេតុគេឃើញយុវតីម្នាក់បានជិះម៉ូតូសង់កូរ៉េពណ៌ក្រហមតែម្នាក់ឯង ធ្វើដំណើរពីជើងមកត្បូងក្នុងល្បឿនយឺត លុះមកដល់ចំណុចកើតហេតុ ក៏ស្រាប់តែមានម៉ូតូស្មាស់រីវ៉ូ ពណ៌ខ្មៅ បើកបរ ដោយយុវជនម្នាក់និងមានឌុបយុវជនម្នាក់ទៀតពីក្រោយ ដែលគេស្គាល់ថាជាកូនរបស់ឈ្មោះហេង ហើយបើកក្នុងល្បឿនយ៉ាងលឿន ក្នុងទិសដៅច្រាស់ទិសគ្នាក៍បានបុកម៉ូតូយុវតីរងគ្រោះពេញទំហឹង បណ្តាលអោយរូបនាងខ្ទាតពីម៉ូតូប្រវែងជិត១០ម៉ែត្រនិងបានធ្លាក់ចូលក្នុងប្រឡាយទឹករបួសធ្ងន់ធ្ងរ។ដោយឡែកយុវជនបង្កទាំង២នាក់ម្នាក់របួស ស្រាល ម្នាក់ទៀតរបួសធ្ងន់បែកមុខបែកមាត់។
ក្រោយពីកើតហេតុជនបង្កម្នាក់ដែលរងរបួសស្រាលបានរត់សំដៅទៅវាយលើយុវតីរងគ្រោះទៀត ទោះបីអ្នកស្រុកជួយឃាត់យ៉ាងណាក៍មិនព្រមស្តាប់ ដោយគេបានបញ្ចេញអត្តចរឹកក្រអឺតក្រទម ខណៈនោះអ្នកស្រុកបានទាញដំបងប្រុងវាយទៅលើជនបង្កវិញ ទើបគេសុខចិត្តនាំគ្នាគេម្នាក់ទៀតទៅរកពេទ្យជួយព្យាបាល។
ចំណែកយុវតីរងគ្រោះត្រូវបានប្រជាពលរដ្ឋនាំគ្នាជួយដឹកបញ្ជូនទៅសង្គ្រោះនៅមណ្ឌលសុខភាពភ្លាមៗដែរ។ ហើយម៉ូតូទាំង២គ្រឿងត្រូវបានអ្នកស្រុកនៅក្បែរនោះមិនអោយយកទៅណាទេ ដោយរង់ចាំសមត្ថកិច្ចមកធ្វើការវាស់វែង កសាងសំណុំរឿងដោះ
ស្រាយគ្នាតាមនិតិវិធីច្បាប់៕
![20140607124252.mp4_snapshot_00.03_[2014.06.08_09.51.04]](https://i0.wp.com/khemaradaily.com/wp-content/uploads/2014/06/20140607124252.mp4_snapshot_00.03_2014.06.08_09.51.04.jpg?ssl=1)
![20140607124742.mp4_snapshot_00.02_[2014.06.08_09.50.39]](https://i0.wp.com/khemaradaily.com/wp-content/uploads/2014/06/20140607124742.mp4_snapshot_00.02_2014.06.08_09.50.39.jpg?ssl=1)
