ភ្នំពេញ៖ ម៉ូតូហុងដាឌ្រិម ធុនសេ១២៥ មួយគ្រឿងបានជិះបត់ឆ្លងផ្លូវ ហើយត្រូវម៉ូតូធុនធំFTR បុកចំពេញទំហឹងចំពាក់កណ្តាលម៉ូតូបណ្តាលឲ្យមនុស្សរបួសស្រាលចំនួនបួននាក់កាលពីវេលាម៉ោង ៩និង១០នាទីយប់ ថ្ងៃទី០៨ខែ មិថុនាឆ្នាំ ២០១៤ នៅចំណុចស្តុបផ្សារទំនើប BS តាម
បណ្តោយ ផ្លូវព្រះមុនីវង្ស កែងនិងផ្លូវកម្ពុជាក្រោម ក្នុងសង្កាត់ផ្សារថ្មី១ ខណ្ឌដូនពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា គេបានឃើញម៉ូតូមួយគ្រឿងម៉ាកហុងដាឌ្រិម ធុន សេ១២៥ពណ៌ខ្មៅ ពាក់ស្លាកលេខ តាកែវ 1F-5466 ដែលជិះគ្នា៣នាក់ បុរសម្នាក់ នារីពីរនាក់ បានធ្វើដំណើរតាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូង ខណៈពេលដែលមក ដល់ចំនុចស្ដុបផ្សារទំនើបBS ក៏បានជិះម៉ូតូបត់ឆ្វេងឡើងទៅផ្លូវកម្ពុជាក្រោម ក៏ស្រាប់តែមានម៉ូតូ ធុនធំមួយគ្រឿងម៉ាកFTR ពណ៌ខ្មៅលាយក្រហម ពាក់ស្លាកលេខ ភ្នំពេញ 1AU-4831 ដែលជិះ ដោយបុរសម្នាក់ក្នុងល្បឿនលឿនតាមបណ្ដោយផ្លូវព្រះមុនីវង្សពីទិសដៅត្បូងទៅជើងក៏ធ្វើអោយម៉ូតូទាំង២គ្រឿងបុកគ្នាចំពេញទំហឹងបណ្ដាលអោយដួលគលើគ្នា និងម្ចាស់ម៉ូតូទាំងសងខាង របួសស្រាលទាំង៤នាក់ផងដែរ ចំណែកឯម៉ូតូទាំង២គ្រឿងក៏រងការខូចខាតទាំងសងខាងតែនៅពេល ដែលសមត្ថកិច្ចចុះមកដល់ក៏ម្ចាស់ម៉ូតូទាំង២នេះព្រមធ្វើការសម្របសម្រួលគ្នាដោយគ្មាននរណាសងអ្នកណាគឺយកម៉ូតូទៅជួសជុលដោយខ្លួនឯងរៀងៗខ្លួន៕
