កំពង់ចាម: បុរសម្នាក់ត្រូវបានស្លាប់បាត់បង់ជីវិតយ៉ាងអាណោចអាធ័មនៅក្នុងភ្នក់ភ្លើង ដែលសាកសពជនរងគ្រោះត្រូវបានប្រទះឃើញក្នុងគំនរផេះផង់ គ្រាដែលសមត្ថកិច្ចបាន
អន្តរាគមន៍បាញ់ទឹកពន្លត់អគ្គីភ័យឆាបឆេះផ្ទះ១ខ្នង។
ហេតុការណ៍នេះបានកើតមានឡើងកាលពីវេលាម៉ោង១និង៣០នាទីយប់ ឈានចូលថ្ងៃទី៥ ខែមេសា ឆ្នាំ២០១៧ ស្ថិតនៅក្នុងភូមិមហាសៀកលើ ឃុំមហាខ្ញូង ស្រុកកោះសូទិន ខេត្តកំពង់ចាម។
សមត្ថកិច្ចបានឲ្យដឹងថា ជនរងគ្រោះមានឈ្មោះផាន់ អាន ភេទប្រុស អាយុ៥៤ឆ្នាំ ប្រពន្ធឈ្មោះបេន ហ៊ុចអាយុ៥២ឆ្នាំ មានទីលំនៅស្ថិតក្នុងភូមិកើតហេតុខាងលើ។
ករណីនេះបណ្ដាលឲ្យផ្ទះ១ខ្នងដែលមានទំហំ៦x៨ម៉ែត្រ សាងសង់អំពីឈើ ប្រក់ស័ង្កសី ត្រូវរងការខូចខាតទាំងស្រុង។
សមត្ថកិច្ចបានបញ្ជាក់ថា មូលហេតុគឺឈ្មោះផាន់ អាន និងប្រពន្ធបានឈ្លោះប្រកែកគ្នា ម្យ៉ាងទៀតប្តីមានជំងឹសសៃប្រាសាទ ហើយបានដុតផ្ទះដោយខ្លួនឯង។
ក្រោយពីពន្លត់ភ្លេីងឆេះរួចសមត្ថកិច្ចបានឃេីញសាកសពជនរងគ្រោះឆេះឡើងរួញក្រញ៉ង់នៅក្នុងគំនរផេះ ហើយប្រគល់ឲ្យសាច់ញាតិយកទៅធ្វើរបុណ្បតាមប្រពៃណីផងដែរ ៕
