ភ្នំពេញ ៖ បុរស២នាក់បានស្លាប់ភ្លាមៗនៅកន្លែងកើតហេតុដោយសារពួកគេជិះម៉ូតូឌុបគ្នាហើយ ធ្វើដំណើរក្នុងល្បឿនយ៉ាងលឿនបានជ្រុលទៅបុកគូទរថយន្តកុងតឺន័រដែលកំពុងបត់ឆ្វេងទៅផ្លូវមួយទៀត កាលពីវេលាម៉ោង១០និង២០នាទីយប់ស្ថិតនៅមុខមន្ទីរពេទ្យឯកជនបញ្ញាស័ក្តិ ស្ថិតក្នុង តាមបណ្ដោយផ្លូវលេខ២៧១កែងផ្លូវលេខ៣៧១ ក្នុងសង្កាត់ផ្សារដើមថ្កូវ ខណ្ឌចំការមន។
ហេតុការណ៍គ្រោះថ្នាក់ចរាចរដែលគួររន្ធត់ខាងលើនេះ ត្រូវបានប្រជាពលរដ្ឋដែលរថយន្ត ក្បែរកន្លែងកើតហេតុបានអោយដឹងថា មុនពេលកើតហេតុគាត់បានឃើញបុរស២នាក់ ដែលជិះម៉ូតូ មួយគ្រឿងម៉ាកហុងដាឌ្រីមធុនសេ១២៥ ពណ៌ខ្មៅ ពាក់ស្លាកលេខ កណ្ដាល 1L-3143 ដែលជិះ ធ្វើដំណើរផ្លូវលេខ២៧១ ក្នុងល្បឿនលឿនពីជើងទៅត្បូង ខណៈពេលដែលមកដល់ចំណុច ផ្លូវកោងពួកគេមិនព្រមបន្ថយល្បឿន ក៏បានជ្រុល ទៅបុកគូទរថយន្តកុងតឺន័រមួយគ្រឿង ពណ៌ទឹកប្រាក់លាយខៀវ ពាក់ស្លាកលេខ ភ្នំពេញ 3C- 4623 បើកបរដោយបុរសម្នាក់រួមជាមួយ ព្រួម្នាក់ទៀតបានធ្វើដំណើរតាមបណ្តោយផ្លូវ២៧១ ហើយកំពុងបត់ឆ្វេងទៅផ្លូវលេខ ៣៧១ ធ្វើឲ្យ ម៉ូតូមកបុកគូទរថយន្តកុងតឺន័រយ៉ាងពេញទំហឹងបណ្តាលឲ្យ ផ្លោងអ្នកបើកនិងអ្នកអង្គុយពីក្រោយ ហោះធ្លាក់មកទប់និងថ្នល់ធ្វើឲ្យបាក់កស្លាប់ភ្លាមៗនៅកន្លែងកើតហេតុគួររន្ធត់ ។ រឺឯចំណែក ម៉ូតូជនរបស់ជនរងគ្រោះខាងលើវិញគ្រាន់បាក់ក្របាំង រងកាខូចខាតបន្តិចបន្តួចប៉ុណ្ណោះ។
បន្ទាប់ពីកើតហេតុសមត្ថកិច្ចបានចុះមកដល់ភ្លាមៗ ហើយ ក៏បានឲ្យដឹងដែលថា ចំពោះសព បុរសពីរនាក់ខាងលើនេះនៅមិនទាន់ស្គាល់ពីអត្តសញ្ញាននៅឡើយទេ ហើយសមត្ថកិច្ច ក៏កំពុងទំនាក់ទំនងទៅរកក្រុមគ្រួរសាឲ្យទទួលយកសព ទៅធ្វើបុណ្យតាមប្រពិណីផងដែរ ។
ចំណែករថយន្តនិងម៉ូតូត្រូវបានសមត្ថកិច្ចនៃការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញវាសវែងយកទៅរក្សាទុកដើម្បីធ្វើការដោះស្រាយទៅតាមផ្លូវច្បាប់៕
