មណ្ឌលគិរី:ប្រជាពលរដ្ឋនៅខេត្តមណ្ឌលគិរីសំដែងនូវការមិនសប្បាយចិត្តផ្លូវលំរបស់មន្ទីរអភិវឌ្ឍន៍ជនបទខេត្តសាងសង់ពីក្រុងសែនមនោរម្យទៅកាន់ឃុំមេម៉ង់ស្រុកកែវសីមាប្រវែងជាង២០គីឡូម៉ែត្រតាមគំរោងឆ្នាំ២០១០ដល់២០១២កន្លងផុតទៅថ្មីៗនេះមិនត្រូវតាមគំរោងគ្មានគុណភាព
ប្រជាពលរដ្ឋមានការលំបាកក្នុងការធ្វើចរាចរណ៍ជាងមុន។
ប្រជាពលរដ្ឋបានលើកឡើងថាជាក់ស្ដែងផ្លូវរជា ចាប់ពីភូមិ ស្រែអ៊ី ទៅកាន់ឃុំ
មេម៉ង់គឺប្រពលរដ្ឋធ្វើចរាចរណ៍លែងកើតទៀតហើយព្រោះផ្លូវនោះក្លាយជាអណ្ដូង
និងប្រឡាយទៅហើយពួកគាត់បានលើកឡើងថាហេតុអ្វីបានជាផ្លូវក្លាយទៅជាបែបនេះ ឬ មួយលោក យន់ សារោម ប្រធានមន្ទីអភិរឌ្ឍជនបទខេត្តសាងសង់ មិនមើលគំរោងទេដឹងពីរព្រោះបើលោក យន់ សារោម មើលគំរោងហើយអនុវត្ត
តាមផែនការតាមគំរោងគឺពិតជាផ្លូវមានគុណភាពជាមិនខាន។ប្រជាពលរដ្ឋបានបន្តថា:ពួកគាត់បានលឺប្រសាសន៍របស់លោក ជា សុផារា រដ្ឋមន្ត្រីក្រសួងអភិវឌ្ឍន៍
ជនបទធ្លាប់លើកឡើងថាលោកតែងតែចង់បានការអភិវឌ្ឍន៍មានទាំងបរិមាណនិងគុណភាពសំរាប់តំរ៉ូវការប្រជាពលរដ្ឋ។តែផ្ទុយទៅវិញលោក យន់ សារោម ប្រធានមន្ទីអភិវឌ្ឍន៍ជនបទខេត្តមណ្ឌលគិរីកំពុងតែត្រូវបានប្រជាពលរដ្ឋរិះគន់ចំៗថាការស្ថាបនាសាងសង់ផ្លូវលំនៅមណ្ឌលគិរីមិនត្រឹមត្រូវតាមបទដ្ឋានបច្ចេកទេសឡើយមិនមែនតែផ្លូវលំពីរក្រុងសែនមនោរម្យទៅកាន់ឃុំមេម៉ង់នោះទេសូម្បីតែផ្លូវលំជាច្រើនខ្សែនៅក្នុងស្រុកកោះញែកឯណោះវិញក៏មានសេចក្តីរាយការណ៍ចេញពីប្រជាពលរដ្ឋនៅឃុំអរបួនបាននាំគ្នាប្តឹងលោកយន់ សារោមប្រធានមន្ទីរអភិវឌ្ឍន៍ជនបទពាក់ព័ន្ធរឿងផ្លូវលំមានតែក្នុងរបាយការណ៍តែជាក់ស្តែងគ្មានផ្លូវសំរាប់ធ្វើដំណើរឡើយប្រជាពលរដ្ឋនិយាយថា មានតែរបាយការណ៍សេះហោះគ្រាន់តែជាឡេះមួយសំរាប់ដកលុយពីក្រសួងប៉ុណ្ណោះ។ប្រជាពលរដ្ឋបានសំណូមពរដល់លោក យន់ សារោម ប្រធាមន្ទីរអភិវឌ្ឍន៍ជនបទសូមមេត្តាជួយពិនិត្យមើលផ្លូវទាំងនោះឡើងវិញផងបើពុំដូច្នេះទេពួកគាត់ពិបាកក្នុងការដឹកជញ្ជូនផលិតផលដែលពួកគាត់ផលិតបានយកមកលក់នៅទីប្រជុំជនណាស់ជាពិសេសប្រជាពលរដ្ឋបានសំណូមពរដល់លោករដ្ឋមន្ត្រីក្រសួងអភិវឌ្ឍន៍ជនបទមេត្តជួយចាត់ចែងមន្ត្រីជំនាញរបស់ក្រសួងអោយចុះមកស្រាវជ្រាវនិងពិនិត្យផែនការការងារអភិវឌ្ឍន៍របស់លោក យន់ សារោម ប្រធានមន្ទីរអភិវឌ្ឍន៍ជនបទខេត្តផង។ទាក់ទងការចោទប្រកាន់ជុំវិញបញ្ហាខាងលើនេះអ្នកឆ្លើយឆ្លងព័ត៍មានយើងពុំអាចទាក់ទងសុំការបំភ្លឺពីលោកយន់ សារោម បានទេថ្ងៃនេះ៕
