ខេត្តបន្ទាយមានជ័យ៖ ឃាត់ខ្លួនមនុស្ស៣នាក់ ដកហូតបានថ្នាំញៀនមួយថង់ និង រថយន្ត ឡុចសុីស១គ្រឿង ក្នុងរឿងជំនួញគ្រឿងញៀន បែកសំបុក ផ្អើលដល់មេធំ នៅ ភូមិចំការតាដោក ឃុំឬស្សីក្រោក ស្រុកមង្គលបូរី កាលពីវេលាម៉ោង១១ និង៤៥នាទី ថ្ងៃទី០៥ ខែមិថុនា ឆ្នាំ២០១៤ ម្សិលមិញ។
នាយការិយាល័យ នគរបាលប្រឆាំងគ្រឿងញៀន នៃស្នងការដ្ឋាននគរបាល ខេត្តបន្ទាយមានជ័យ លោក ធិន សុិនដេត បានឲ្យសារពត៌មានឲ្យដឹង នៅរថៃ្ងទី០៦ ខែមិថុនា ឆ្នាំ២០១៤នេះថា ជនសង្ស័យទាំង០៣នាក់ដែលសមត្ថកិច្ចឃាត់ខ្លួន រួមមាន ១/ឈ្មោះ ចេង សុខគីម ភេទប្រុស អាយុ៣៣ឆ្នាំ ២/ឈ្មោះ កត ចេន ភេទប្រុស អាយុ២០ឆ្នាំ និង៣/ឈ្មោះ ប៊ុន លី ភេទប្រុស អាយុ២០ឆ្នាំ ពួកគេរស់នៅក្នុងស្រុកមង្គលបុរី មានមុខរបរ មិនពិតប្រាកដ។
លោក ធិន សុិនដេត បានបន្តថា មុខធ្វើការឃាត់ខ្លួន យោងការចង្អុលបង្ហាញ ពីលោក ឧត្តមសេនីយ៍ត្រី អាត់ ខែម ស្នងការនគរបាលខេត្ត លោកបានដឹកនាំកម្លាំស្រាវជ្រាវ យ់៉ាង យកចិត្តទុកដាក់ ទើបឈានដល់ការឃាត់ខ្លួនជនសង្ស័យទាំងខាងលើ ខណះដែលពួកគេ ធ្វើសកម្មភាព លក់និងជក់ គ្រឿងញៀន និងបានដកហូតថ្នាំញៀន ប្រភេទ មេតំហ្វេតាមីន មួយថង់ទម្ងន់1.2ក្រាម និងរថយន្តឡុចសុីស៣០០មួយគ្រឿង ពីឈ្មោះ ចេង សុគីម ក្រោយមកទើបឃាត់បានបក្ខពួកជនសង្ស័យ ជាបន្តបន្ទាប់។
នៅចំពោះមុខសមត្ថកិច្ចសួរនាំ ជនសង្ស័យទាំង០៣នាក់ បានសារភាពថា ខ្លួនមានមេធំ នៅពីក្រោយខ្នង ហើយថ្នាំញៀន ដែលគេលក់ចែកចាយ គឺលើកបន្តពីមនុស្សម្នាក់ មានលុយ មានអំណាច នៅស្រកមង្គលបូរី តែពេលនេះបានរត់គេចខ្លួន បាត់ស្រមោលហើយ។ បច្ចុប្បន្ន ក្រោយសួរនាំ ជនសង្ស័យ រួមជាមួយវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅ តុលាការចាត់ការតាមនិតិវិធីច្បាប់៕
