សៀមរាប=ដោយសារតែប្រទេសកម្ពុជា ជាតំបន់ទទួលឥពលខ្យល់មូសុងដែលអំណោយផលដល់ដំណាំកសិកម្ម និងឧស្សាហកម្ម បន្ទាប់ពីររដូវវស្សាកន្លងផុតទៅ ប្រជាពលរដ្ននាំគ្នាច្រូវស្រូវនៅរដូវរំហើយ និងបន្តធ្វើស្រែប្រាំង បែបលក្ខណះគ្រួសារ ការដាំដំណាំ ការចិញ្ចឹមសត្វ
ការនេសាទ និងប្រកបមុខរបរផ្សេងៗទៀតដោយមិនទុកពេលវេលាអោយនៅទំនេរឡើយជាពិសេសប្រជាពលរដ្នមួយចំនួនធំរស់នៅទីជនបទស្រុកស្រែចំការ។
ប្រជាកសិករយើងនៅតាមទីជនបទស្រុកស្រែចំការបានប្រកបមុខរបរបន្ទាប់បន្សំដូចជា ការធ្វើស្រូវប្រាំង ការដាំដំណាំ មានពោត សណ្ដែក ត្រសក់ ល្ពៅ ត្រគួន ត្រប់ ស្ពៃ ជីរ រួមទាំងបន្លែបង្កាជាច្រើនមុខទៀតសំរាប់ផ្គត់ផ្គង់ជីវភាពគ្រួសារនិងលើសពីសេចក្ដីត្រូវការ យកទៅលក់នៅទីផ្សារដើម្បីរកកំរៃបន្ថែម។ ភាពឧស្សារព្យាយាមបែបនេះជាគំរូល្អសំរាប់អោយប្រជាកសិករយើងទូទៅអោយយកតំរាប់តាមចំពោះអ្នកដែលគ្មានការងារធ្វើ អោយចេះកែរឆ្នៃនៃការដាំដុះរកចំនូលសំរាប់គ្រួសារជាការជៀសវាងក្នុងការនិរទេសខ្លួនទៅរកការងារនៅក្រៅប្រទេសដោយខុសច្បាប់នាំអោយអន្ដរាយដល់អាយុជីវិតម្យ៉ាងទៀតបានរស់នៅជួបជុំក្រុមគ្រួស្រារ កូន ប្រពន្ធ នៅក្នុងស្រុកក្នុងភូមិ ដោយមិនមានការភ័យខ្លាចឬការព្រួយបារម្ភអ្វីឡើយ និងមិនបាច់នាំចូលបន្លែបង្ការួមទាំងគ្រឿងឧបភោគ បរិភោគផ្សេងៗពីរបរទេស ដែលពោរពេញទៅដោយជាតិគីមីនាំអោយគ្រោះថ្នាក់ដល់សុខភាពប្រជាពល់រដ្នយើងឡើយ។នេះក៏ដោយសារភាពវៃឆ្លាតរបស់បងប្អូនយើត និង រាជរដ្នាភិបាលដែលតែងតែយកចិត្តទុកដាក់ដល់ជីវភាពប្រជាពលរដ្នជាធំ ដោយខិតខំគៀងគរអ្នក វិនិយោគទុនក្រៅប្រទេសដើម្បីមកបណ្ដាក់ទុនក្នុងស្រុក គ្រាន់បានប្រជាពលរដ្នយើងមានការងារធ្វើ ហើយក្នុងនោះដែរ រាជរដ្នាភិបាល រួមជាមួយអង្គការនានា ក៏បានបង្កើតជាធារាសាស្ដ្របូមទឹក បង្កើតប្រព័ន្ធប្រឡាយទឹកសំរាប់ស្រោចស្រង់ដំណាំផ្សេងៗនិងការធ្វើស្រែប្រាំងជាភាពងាយស្រួលដល់ប្រជាកសិករក្នុងការដាំដុះដំណាំបន្លែបង្កាផ្សេងៗក្នុងទិសដៅលុបបំបាត់ភាពក្រីក្រជូនប្រជាពលរដ្នយើងទូទាំងប្រទេស៕ប៊ុនរិទ្ធី
