ខេត្តព្រះសីងហនុ៖ជនជាតិរុស្ស៊ី២នាក់ ត្រូវនគរបាលចាប់ខ្លួន ជាមួយនឹងគ្រឿងញៀនកញ្ឆាក្រៀមជាង២គីឡូក្រាម។
យោងតាមប្រភពពី លោកវរសេនីយ៍ឯកស៊ុន សុផាត ស្នងការរងទទួលផែនប្រឆាំងបទល្មើសបានឲ្យដឹងថា៖ នៅថ្ងៃទី១ខែឧសភា ឆ្នាំ២០១៧ កន្លងទៅនេះ វេលាម៉ោង៩,៣០នាទី នគរបាលប្រឆាំងគ្រឿងញៀនខេត្តព្រះសីហនុ បានចាប់ខ្លួនជនជាតិរុស្ស៊ីចំនួន២នាក់
ពាក់ព័ន្ធនឹងការរក្សាទុកគ្រឿងញៀននៅក្នុងលំនៅឋាន ព្រមទាំងចាប់យកបានថ្នាំញៀនកញ្ឆាក្រៀមទម្ងន់២,១គីឡូក្រាម ជញ្ជីងសម្រាប់ថ្លឹងគ្រឿងញៀន២ និងបំពង់សម្រាប់ជក់ថ្នាំញៀន១។
១,ឈ្មោះKoldincev Boris ភេទប្រុសឆ្នាំកំណើត១៩៧៥ ស្នាក់នៅផ្ទះជួល ភូមិ៥សង្កាត់លេខ៤ក្រុងព្រះសីហនុ មុខរបរមិនច្បាស់លាស់។
២,ឈ្មោះPetrikee Diana ភេទស្រីឆ្នាំកំណើត១៩៨៧ ស្នាក់នៅផ្ទះជួលជាមួយគ្នា។
បច្ចុប្បន្នជនសង្ស័យទាំងពីរនាក់ និងវត្ថុតាងកម្លាំងជំនាញបានកសាងសំណុំរឿងតាមនីតិវិធីបញ្ជូនទៅសាលាដំបូង។
