ខេត្តរតនគិរី៖ នគរបាលឃាត់ខ្លួនសង្ស័យម្នាក់ពាក់ព័ន្ធករណីរក្សាទុកនិងជួញដូរ នូវសារធាតុញៀនដោយខុសច្បាប់ នៅវេលាម៉ោង១១និង១៥នាទីថ្ងៃទី ៣ខែឧសភាឆ្នាំ២០១៧ ស្ថិតនៅភូមិអភិឌ្ឍន៍សង្កាត់ឡាបានសៀកក្រុងបានលុង កម្លាំងការិយាល័យជំនាញបានចុះល្បាត លុះ
មកដល់ចំណុចជិតមុខហាងជូ អេងគង់បានជួបមុខសញ្ញាគួរឲ្យសង្ស័យ ហើយបានយកមកសាកសួរនៅការិយាល័យ ដោយបានត្រួតពិនិត្យនិងឆែកឆេរលើខ្លួនជនសង្ស័យរកឃើញ ម្សៅក្រាមពណ៌សរថ្លាចំនួន១០ថង់ធំសង្ស័យជាសារធាតុញៀន ហើយបានឃាត់ខ្លួនជនសង្ស័យតែម្តង។មន្ត្រីនគរបាលបានឲ្យដឹងថា ជនសង្ស័យ ឈ្មោះ ណុប វិបុល ហៅចិត្ត ភេទប្រុសអាយុ២៨ ឆ្នាំជនជាតិខ្មែរ មានទីលំនៅភូមិជយ័ជំនះសង្កាត់ឡាបានសៀកក្រុងបានលុងខេត្តរតនគិរី មុខរបរមិនពិតប្រាកដ។មន្ត្រីដដែលបន្តថា វត្ថុតាងដកហូតរួមមាន ១-ម្សៅក្រាមពណ៌សរថ្លាចំនួន១០ថង់ធំសង្ស័យជាសារធាតុញៀន២-ប្រាក់រៀលចំនួន៨០០០០.រៀល៣-ម៉ូតូ១គ្រឿងម៉ាកឌូក ពាក់ស្លាកលេខភ្នំពេញ1CH-2828៣-អត្តសញ្ញាណបណ្ណ័សញ្ជាតិខ្មែរ១សន្លឹក
៤-កាបូកតូចចំនួន១។បច្ចុប្បន្នជនសង្ស័យកំពុងឃាត់ខ្លួនរួមទាំងវត្ថុតាងយកទៅរក្សាទុកបណ្តោះអាសន្នការិយាល័យប្រឆាំងគ្រឿងញៀន ដើម្បីកសាងសំណុំរឿងបញ្ជូនទៅកាន់សាលាដំបូងខេត្តចាត់ការតាមនិតិវិធី ៕ដោយ: យក្ខឡោម
