នៅក្នុងជំហានវិជ្ជមានមួយដើម្បី បង្ហាញពីចេតនាចង់ដោះស្រាយបញ្ចប់ វិបត្ដិបរមាណូអ៊ីរ៉ង់ រដ្ឋាភិបាលរបស់ ប្រធានាធិបតីអាមេរិក បារ៉ាក់ អូបាម៉ា បានសម្រេចបញ្ជូនមន្ដ្រីជាន់ខ្ពស់៣រូប ក្នុងក្រសួងការបរទេសទៅកាន់ទីក្រុង សឺណែវក្នុងសបា្ដហ៍នេះ ពិភាក្សាដោយ ផ្ទាល់ជាមួយភាគីអ៊ីរ៉ង់ ។
ប្រភពព័ត៌មានពីក្រសួងការបរទេស អាមេរិកបានឱ្យដឹងថា រដ្ឋលេខាធិការ ទី១ ក្នុងក្រសួងការបរទេសអាមេរិក លោក William Burns ដឹកនាំគណៈប្រតិ ភូទៅពិភាក្សាជាមួយភាគីអ៊ីរ៉ង់ដែលមាន ប្រធានដឹកនាំដោយលោក Abbas Araqchi ។ កិច្ចពិភាក្សានឹងត្រូវធ្វើឡើង នៅថ្ងៃទី៩-១០ មិថុនា ។
លោក William Burns ក៏ជាអ្នកដឹក នាំគណៈប្រតិភូអាមេរិកពិភាក្សាស្ដីពី កម្មវិធីបរមាណូរបស់អ៊ីរ៉ង់កាលពីថ្ងៃទី ២៤ វិច្ឆិកា ២០១៣ ដោយភាគីទាំង២ មានការឯកភាពគ្នាជាបឋម ។ មន្ដ្រីជាន់ខ្ពស់ក្រសួងការបរទេស អាមេរិកបានឱ្យដឹងថា កិច្ចពិភាក្សានា ពេលនេះ គឺដើម្បីបំបែកភាពជាប់គាំង ក្នុងកម្មវិធីបរមាណូរបស់អ៊ីរ៉ង់ ដោយ កិច្ចពិភាក្សាកន្លងមករវាងអ៊ីរ៉ង់នឹងប្រទេស ៥បូក១ មិនមានភាពល្អប្រសើរ ។
កិច្ច ពិភាក្សាដោយផ្ទាល់រវាងអាមេរិកនឹង អ៊ីរ៉ង់លើកនេះ គឺជាជំហានវិជ្ជមាន១ ឆ្ពោះទៅរកកិច្ចពិភាក្សាបញ្ចប់វិបត្ដិ ដែលអូសបន្លាយជាច្រើនឆ្នាំកន្លងមក ។ កិច្ចពិភាក្សាស្ដីពីកម្មវិធីបរមាណូ របស់អ៊ីរ៉ង់ស្ថិតក្នុងដំណាក់កាលសំខាន់ បំផុត ហើយជំនួបពិភាក្សាទ្វេភាគីជាការ ចាំបាច់យ៉ាងខ្លាំង ។
ក្នុងពេលជាមួយគ្នា នេះ ប្រធានគណៈប្រតិភូអ៊ីរ៉ង់បានប្រកាស មុនពេលចូលរួមកិច្ចពិភាក្សានោះថា ជំនួបពិភាក្សាទ្វេភាគីជាមួយអាមេរិក ផ្ដោតសំខាន់ទៅលើការដាក់ទណ្ឌកម្ម មកលើប្រទេសអ៊ីរ៉ង់ ។ ជំនួបពិភាក្សាលើកនេះ ក៏ជាការ ចាប់ផ្ដើម ជាការត្រៀមលក្ខណសម្រាប់ កិច្ចពិភាក្សារវាងអ៊ីរ៉ង់នឹងប្រទេស៥បូក ១ នៅថ្ងៃទី១៦មិថុនាខាងមុខនេះ ។ មន្ដ្រី ជាន់ខ្ពស់អាមេរិកសង្ឃឹមថា ភាគីទាំង២ នឹងមានភាពរីកចម្រើនឆ្ពោះទៅមុខ ឈានដល់កិច្ចព្រមព្រៀងបញ្ចប់កម្មវិធី បរមាណូ ។
