ខេត្តរតនគិរី៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត បានបង្ក្រាបរថយន្តម៉ាកកាមរី១គ្រឿង ពណ៌ឈាមជ្រូក ពាក់ស្លាកលេខបាត់ដំបង 2A-0759ខណះ លួចដឹកជញ្ជូនឈើប្រណិតប្រភេទធ្នង់ពេញរថយន្ត កាលពីវេលាម៉ោង១នឹង១៥នាទីរសៀលថ្ងៃទី១៣ ខែ
ឧសភា ឆ្នាំ២០១៧នៅត្រង់ចំណុចភូមិសឹក ឃុំតាអង ស្រុកកូនមុំ ខេត្តរតនគរី។ ចំណែកកៃកុងរថយន្តបានរត់គេចខ្លួនបាត់ស្រមោល បន្សល់ទុករថយន្តនៅនឹងកន្លែង។
នគរបាលប្រឆាំងបទល្មើសសេដ្ឋកិច្ចខេត្តបានឲ្យដឹងថា ដោយមានសេចក្តីរាយការណ៍ពីប្រជាពលរដ្ឋថា មានរថយន្តដឹកជញ្ជូនឈើប្រណិតចេញពីស្រុកកូនមុំចូលមកក្រុងបានលុងតាមបណ្តោយផ្លូវជាតិលេខ៧៨ សមត្ថកិច្ចពួនស្ទាក់ចាប់បានត្រង់ចំណុចខាងលើ ហើយរឹបអូសយកមកស្នងការដ្ឋាននគរបាលខេត្តដើម្បីធ្វើសំណុំបែបបទប្រគល់ទៅឲ្យជំនាញរដ្ឋបាលព្រៃឈើលំផាត់ចាត់ការបន្តតាមនិតិវិធី។បច្ចុប្បន្នរថយន្តនឹងឈើជំនាញរដ្ឋបាលព្រៃឈើលំផាត់មិនទាន់ធ្វើការវាស់វែងនៅឡើយទេ៕ ដោយ: យក្ខឡោម
