ខេត្តរតនគិរី: បុរសម្នាក់ត្រូវបាននគរបាលប៉ុស្ថ៍ឃាត់ខ្លួនពាក់ព័ន្ធករណីទំនាស់ពាក្យសំដីគ្នាក្នុងវង់ស៉ីផឹកឈានដល់ប្រើអំពើហឹង្សាដោយចេតនា យកកាំបិតចិតបន្លែចុងស្រួចទៅចាក់ជនរងគ្រោះបណ្តាលឲ្យ រងរបួសធ្ងន់ធ្ងរ។ ហេតុការណ៍នេះបានកើតឡើងកាលពីវេលាម៉ោង៦នឹង៣០នាទីល្ងាចថ្ងៃទី១៥ ខែឧសភា ឆ្នាំ២០១៧ នៅត្រង់ចំណុចមុខផ្ទះលោក ទូច នី ស្ថិតនៅក្នុងភូមិ៤ សង្កាត់កាចាញ ក្រុងបានលុង ខេត្តរតនគិរី។
នគរបាលប៉ុស្ថ៍សង្កាត់កាចាញបានឲ្យដឹងថា ជនរងគ្រោះឈ្មោះ ស្រេន វិសាល ភេទ ប្រុស អាយុ៣៥ ឆ្នាំជនជាតិខ្មែរ មុខរបរលក់ផ្លែឈើ មានទីលំនៅបច្ចុប្បន្នភូមិឃុំកើតហេតុខាងលើ រងរបួសធ្ងន់ក្រោមស្មាខាងស្តាំចំនួន២កាំបិត។
ចំណែកជនសង្ស័យឈ្មោះ ថោង យ៉េត ភេទប្រុស អាយុ៣៨ ឆ្នាំមុខរបរមិនពិតប្រាកដ មានទីលំនៅភូមិឃុំជាមួយជនរងគ្រោះ។
បច្ចុប្បន្នជនសង្ស័យត្រូវបានឃាត់ខ្លួននឹងបញ្ជូនទៅអធិការដ្ឋាននគរបាលក្រុងបានលុង ដើម្បីបំពេញសំណុំរឿងបញ្ជូនទៅកាន់សាលាដំបូងខេត្តចាត់ការបន្តតាមនិតិវិធីច្បាប់ ។ដោយ: យក្ខឡោម
