រាជធានីភ្នំពេញ៖ ហេតុការណ៍ភ្ងាក់ផ្អើលមួយបានកើតឡើងវេលាម៉ោង១២ថ្ងៃត្រង់ ថ្ងៃទី៩ ខែមិថុនា ឆ្នាំ២០១៤ ស្ថិតនៅបន្ទប់ផ្ទះជួល ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។បន្ទាប់ពីឮសំលេង ស្ដ្រីម្នាក់បានស្រែកហៅអោយគេឯងជួយបន្ទាប់ពីស្ត្រីរូបនោះបានចូលទៅបតជើងតូចក្នុងបន្ទាប់ទឹកស្រាប់តែសំរាលកូនតែម្ដង។ស្ត្រីដែលបានកើតកូនក្នុងបន្ទប់ទឹកនោះឈ្មោះ ហ៊ុយ សាវន ភេទស្រី អាយុ៣៧ឆ្នាំមុខរបរកម្មការិនីរោងចក្រ រ៉ូស៊ីញ មានស្រុកកំណើតភូមិ ត្រញំងរាំង ឃុំត្រញំងព្រះ ស្រុកព្រៃឈរ ខេត្ដកំពង់ចាម ។
បើតាមការរៀបរាប់ពីបុរសម្នាក់ឈ្មោះ មី ម៉ៅ ភេទប្រុស អាយុ២៥ឆ្នាំមុខរបរកម្មកររោងចក្រដូចគ្នាមាន ស្រុកកំណើតនៅភូមិត្រញំងខ្នុរ ឃុំរនាម ស្រុកទ្រាំង ខេត្ដតាកែវ ។មុនពេលកើតហេតុគាត់បានចេញពីធ្វើការទៅហូបបាយពេលថ្ងៃដែលនៅផ្ទះជួលពេលដែលគាត់កំពុងហូបបាយប្រពន្ធរបស់គាត់បានដើរទៅបន្ទប់ទឹកលុះមួយសន្ទុះក្រោយមកស្រាប់តែឮប្រពន្ធរបស់គាត់បានស្រែកហៅអោយជួយគាត់ក៍បានរត់ទៅមើលប្រពន្ធគាត់នៅក្នុងបន្ទប់ទឹកដែលនៅក្រោយបន្ទប់ជួលស្រាប់តែ
ឃើញប្រពន្ធរបស់គាត់បានសំរាលកូនបាត់ទៅហើយឃើញហេតុការបែបនេះគាត់ក៍បានស្រែកហៅអ្នកជិតខាងអោយជួយប្រពន្ធគាត់ផងហើយគាត់ក៍បានរត់ទៅហៅគ្រូពេទ្យឯកជន ហ្សាកាលីន អោយមកជួយសង្គ្រោះពេលដែលគ្រូពេទ្យមកដល់ក៍បានធ្វើការជួយសង្គ្រោះប្រពន្ធរបស់គាត់បានទាន់ពេលវេលាហើយក៍យកប្រពន្ធរបស់គាត់ទៅសម្រាក់នៅគ្លីនិច។ ទារិកាដែលបានប្រសូត្រនៅក្នុងបន្ទប់ទឹកនោះគឺកូនស្រីមានទម្ងន់1.9គីឡូ។
បុរសដែលជាប្ដីស្ត្រីរងគ្រោះរូបនោះបានបន្តទៀតថាគាត់បានរៀបការជាមួយប្រពន្ធរបស់គាត់តាំងពីឆ្នាំ2004 មកម្លេះហើយគាត់និងប្រពន្ធរបស់គាត់គឺជាក្មេងកំព្រាគ្មានបងប្អូនសាច់ញាតិឡើយរហូតមកទល់ពេលនេះគាត់បានកូន2នាក់ហើយចំណែកកូនបងអាយុបាន1ខួប2ខែជាកូនស្រីនេះគឺជាកូនស្រីទី2ហើយគាត់គ្មានអ្វីនិងទីពឹងទេសូម្បីតែផ្ទះសំបែងក៍ពុំមាន
និងគេនោះដែលគាត់មានការព្រួយបារម្មណ៍យ៉ាងខ្លាំងបន្ទាប់ពីប្រពន្ធរបស់គាត់បានសម្រាលកូនហើយគាត់ពុំមានថវិកាដើម្បីផ្គត់ផ្គង់នៅក្នុងក្រុមគ្រួសាររបស់គាត់ឡើយគាត់បានសូមអំពាវនាវដក់សម្បុរសធម៍ទាំងក្នុងនិងក្រៅប្រទេសមេត្តាជួយស្រោចស្រង់ជិវភាពរបស់គាត់ផង៕
