កុងហ្គោៈ យ៉ាងហោចណាស់ 33 នាក់ត្រូវបានសម្លាប់នៅក្នុងការប៉ះទង្គិចគ្នានៅក្នុងភូមិមួយនៅ ភាគខាងកើតសាធារណរដ្ឋប្រជាធិបតេយ្យកុងហ្គោនៅក្នុងអ្វីដែលរដ្ឋមន្ត្រីម្នាក់ដែលបានពិពណ៌នាថាជាការវាយប្រហារសងសឹកលើអំពើលួចគោក្របី ។ រដ្ឋមន្ត្រីក្រសួងមហាផ្ទៃនៃ Kivu ភាគខាងត្បូងលោក Jean-Julien Miruho បាននិយាយថា ការវាយប្រហារកាលពីថ្ងៃសុក្រគឺជាការសងសឹកសម្លាប់មនុស្សដែលរតែងតែលួចគោក្របីនៅក្នុងតំបន់នេះ។ លោកបានប្រាប់ទីភ្នាក់ងារព័ត៌មាន AFP ថា: «វាគឺជាបញ្ហានៃក្រុម [លួច] គោក្របី និងមួយចំនួនបានទៅស្វែងរកការសងសឹក»។
ប្រភពក្នុងស្រុកបានបញ្ជាក់ផងដែរថា មានបញ្ហានៃការលួចគោក្របីមួយចំនួននៅក្នុងតំបន់នេះ។ សាក្សីបានប្រាប់រ៉យទ័រថា យ៉ាងហោចណាស់ស្ត្រីចំនួន18 នាក់ និងមានកូន៨នាក់ត្រូវបាន សម្លាប់ក្នុងចំណោមពួកគេនៅក្នុងការប៉ះទង្គិចគ្នានាយប់មួយនៅក្នុងភូមិ Mutarule Kivu ភាគខាងត្បូង។ នេះបើយោងតាម AFP ថា បុរសប្រដាប់អាវុធមួយក្រុមបានចូលទៅក្នុងក្រុមជំនុំសម្លាប់ជន ជាតិភាគតិច Bafuliru ដែលបានចំណាយពេលយប់នៅក្នុងអគារបន្ទាប់ពីកិច្ចប្រជុំមួយ។
ជនរងគ្រោះត្រូវបានគេបាញ់ ចាក់ ឬដុតនៅខាងក្នុងផ្ទះរបស់ពួកគេ។ មួយចំនួននៃសាកសពដែលបានដាក់នៅខាងក្នុងព្រះវិហារនាភូមិមួយ នេះបើយោងតាមអ្នកថតរូបរ៉យទ័រនៅលើកន្លែងកើតហេតុ។ លោក Marcellin Cishambo អភិបាល Kivu ភាគខាងត្បូងបានបញ្ជាក់ថា ការវាយប្រហារនេះពិតជាមាន ប៉ុន្តែបានផ្ដល់ការ ប៉ាន់ប្រមាណនៃអ្នកស្លាប់មានចំនួនទាបជាង 27 នាក់។
អត្តសញ្ញាណ នៃការរំលោភបំពាននេះគឺមានភាពមិនច្បាស់លាស់ទេ ប៉ុន្តែប្រជាជន Bafuliru ធ្លាប់បានស្ថិតនៅក្នុងជម្លោះជាមួយក្រុមជនជាតិភាគតិច Barundi ទាក់ទិននឹង បញ្ហាទ្រព្យសម្បត្តិ និងអតិថិជន ព្រមទាំងពាណិជ្ជកម្ម៕
