មាន វណ្ណតារា តារា:
ព្រះវិហារៈ នៅវេលាម៉ោង ១២នឹង១០នាទីថ្ងៃត្រង់ នាថ្ងៃទី០៦ ខែមិថុនា ឆ្នាំ២០១៧ មានហេតុការណ៍គ្រោះថ្នាក់ចរាណ៍ ក្រឡាប់រថយន្តមួយគ្រឿងដោយខ្លួនឯង បង្កឲ្យមានការភ្ញាក់
ផ្អើលនៅលើកំណាត់ផ្លូវជាតិលេខ៦២ត្រង់ចន្លោះបង្គោលគីឡូម៉ែត្រលេខ ៦៤នឹង៦៥ ស្ថិតត្រង់ចំនុចអូយាយមៀវ ក្នុងភូមិរំចេក ឃុំរមណីយ ស្រុករវៀង ខេត្តព្រះវិហារ។
តាមប្រភពព័ត៌មានពីកន្លែងកើតហេតុបានឲ្យដឹងថា រថយន្ត០១គ្រឿង ម៉ាកហុីយ៉ាន់ដាយ ពណ៌ស ពាក់ស្លាកលេខ ភ្នំពេញៈ 3D-8680 បើកបរដោយបុរសម្នាក់ និងអ្នករួមដំណើរ ១១នាក់ផ្សេងទៀត។
រថយន្តខាងលើ ដឹកឈើផ្ទះចាស់ ចេញពីខេត្តព្រះវិហារ បម្រុងយកទៅខេត្តកំពង់ចាម លុះមកដល់ចំណុចកើតហេតុខាងលើ ថៅកុងរថយន្តងងុយដេកពេក ក៏រេចង្កូតក្រឡាប់ ធ្លាក់ចូលប្រឡាយក្បែរចិញ្ចើមផ្លូវ។
ក្នុងហេតុការណ៍គ្រោះថា្នក់ខាងលើ បណ្តាលឲ្យថៅកុងរថយន្ត និងអ្នករួមដំណើរទាំង ១១នាក់ទៀត រងរបួសធ្ងន់ស្រាលៈ
១. ឈ្មោះ ស្រិន ភេទប្រុស អាយុ ៣៦ឆ្នាំ អ្នកបើកបររថយន្ត.
២. ឈ្មោះ ញ៉ុម ព្រឹក ភេទប្រុស អាយុ៥៦ឆ្នាំ រងរបួសបាក់ជើងឆ្វេង៣. ឈ្មោះ ហឿន ភេទប្រុស អាយុ៥៦ឆ្នាំ រងរបួសបែកក្បាល និងបាក់កជើងស្តាំ៤. ឈ្មោះ ភៀង ផាន់ណេត ភេទប្រុស អាយុ២២ឆ្នាំ រងរបួសបែកក្បាលពីក្រោយ និងបាក់ស្មាស្តាំ៥. ឈ្មោះ ភៀង ផាន់នុត ភេទប្រុស អាយុ១៣ឆ្នាំ រងរបួសបាក់ស្មាស្តាំ៦. ឈ្មោះ ភៀង ចាន់ណា ភេទប្រុស អាយុ២៥ឆ្នាំ រងរបួសបាក់ជើងស្តាំ៧. ឈ្មោះ សុិន សុខម៉េង ភេទប្រុស អាយុ៤១ឆ្នាំ រងរបួសបែកក្បាល៨. ឈ្មោះ ពុំ ពៅ ភេទប្រុស អាយុ៤២ឆ្នាំ៩. ឈ្មោះ សាំង សារឿន ភេទប្រុស អាយុ៣៥ឆ្នាំ១០. ឈ្មោះ ភោគ សុខឃាង ភេទប្រុស អាយុ៤៣ឆ្នាំ១១. ឈ្មោះ ភៀង ចាន់នី ភេទប្រុស អាយុ១៩ឆ្នាំ ហេីយអ្នករួមដំនេីរ១១នាក់និងថៅកុងរថយន្ត រស់នៅភូមិជាមួយគ្នាឋិតក្នុងភូមិតានឹង ឃុំតានឹង ស្រុកកងមាស ខេត្តកំពង់ចាម។
ហើយភ្លាមៗនោះ ត្រូវបានប្រជាពលរដ្ឋដែលរស់នៅក្បែនោះ និងដំណើរជាច្រើននាក់ បាននាំគ្នាជួយយកអ្នករងរបួសទៅសង្រ្គោះនៅមណ្ឌលសុខភាពភ្នំដែក ដែលស្ថិតនៅប្រមាណ ៣គីឡូម៉ែត្រ ពីកន្លែងកើតហេតុ។ ដោយស្ថានភាពជនរងគ្រោះរបួសធ្ងន់ ត្រូវបានបញ្ជូនបន្តទៅសង្រ្គោះនៅមន្ទីរពេទ្យបង្អែក១៦មករាខេត្តព្រះវិហារបន្តទៀត។ ចំណែករថយន្តខាងលើ ត្រូវបានសមត្ថកិច្ចស្ទួចយកទៅរក្សាទុកនៅប៉ុស្តិ៍នគរបាលរដ្ឋបាលរមណីយ ជាបណ្តោះអាសន្ន។
ចំណែកនាក់បេីកបររថយន្តខាងលេីត្រូវបានបានរត់គេចខ្លួនបាត់ស្រមោល៕
