កំពង់ស្ពឺ ៖ ឈើប្រណិតគ្រប់ប្រភេទត្រូវបានដឹងថាកំពង់សំរ៉ុកដឹកចេញជារៀងរាល់យប់តាមចំណុចមួយចំនួនដូចជាស្រែកិន,អូរត្រាវ,ច្រកចម្លងទាវ,ចំណុចភ្នំសេកប្រណាំងនិងមានជាច្រើនកន្លែងទៀតក្នុងស្រុកភ្នំស្រួចនិងស្រុកឪរ៉ាល់ដែលជាដែនដីគ្រប់គ្រងដោយសមត្ថកិច្ចជំនាញ
បរិស្ថានដែលមានលោកហេង.គួនជាប្រធានមន្ទីរបរិស្ថានខេត្តកំពង់ស្ពឺជាអ្នកគ្រប់គ្រង។
យោងតាមសេចក្តីរាយការណ៏ថាក្នុងមួយយប់ៗមានឡានជាច្រើនគ្រឿងបានដឹកឈើប្រណិតតាមច្រកនិងចំណុចខាងលើរាប់សិបគ្រឿងដែលឡានទាំងនោះត្រូវបានគេដឹងថាមានអ្នករត់ការជាមន្ត្រីកងកំលាំងប្រដាប់អាវុធគ្រប់អង្គភាពប្រសេកប្រសាចទាំងយប់ទាំងថ្ងៃលើជំនួញឈើនេះ។
ទន្ទឹមនិងមានសេចក្តីរាយការណ៏ខាងលើក៏មានការខ្សិបតៗគ្នាថាឡានដែលដឹកឈើប្រណិតទាំងនោះបើមិនមានការឃុបឃិតនិងត្រូវគ្នាជាមួយមន្ត្រីឬលោកប្រធានបរិស្ថានទេកុំសង្ឍឹមថាបានដឹកឈើទាំងនោះបានពីព្រោះផ្លូវដែលចេញឈើប្រណិតទាំងនោះសុតតែគ្រប់គ្រងដោយដែនសមត្ថកិច្ចបរិស្ថានទាំងស្រុង។
ប្រភពបានបញ្ជាក់ថាសព្វថ្ងៃមានឈ្មួញជាច្រើបានយកលេះតែរឿងដីសប្បទានដែលមានក្រុមហ៊ុនជាច្រើនកំពង់គ្រប់គ្រងហើយបានយកឈើពីចំណុចផ្សេងមកលាក់ទុកកែឆ្នៃលួចដឹកចេញយ៉ាងគគឹកគគ្រេងដោយបានសែនព្រេនដល់ជំនាញបរិស្ថានយ៉ាងក្រាស់ក្រែលទើបអាចប្រព្រឹត្តបានយ៉ាងរលូនបែបនេះ។
ជាក់កាលពីកន្លងទៅមានការបង្ក្រាបឡានដឹកឈើស្ទើរគ្រប់ករណីដែលឈើប្រណិតទាំងនោះត្រូវបានដឹកចេញពីចំណុចខាងលើក្នុងស្រុកឪរ៉ាល់និងស្រុកភ្នំស្រួចក្នុងដីដែនជំរកសត្វព្រៃភ្នំឪរ៉ាល់ដែលមានលោកហេង.គួននិងលោកឈុន.ឈៀហេងជាអ្នកគ្រប់គ្រង។
ថ្មីៗនេះត្រូវបានរាយការណ៏ថាលោកហេង.គួនប្រធានបរិស្ថាននិងលោកឈុន.ឈៀហេងបានបើកឲ្យក្រុមឈ្មួញរកស៊ីឈើធ្នង់ដែលកំពង់ត្រូវប៉ាន់ដឹកចេញទាំងយប់ទាំងថ្ងៃយ៉ាងអនាធិតេយ្យតាមចំណុចដែលខ្លួនគ្រប់គ្រងតាមគ្រប់រូបភាពមិនដែលបង្ក្រាបឡើយ។
មានមតិមហាជនបានលើកឡើងថា ឈើឈរជាឈើរបស់មេព្រៃ លុះដល់ឈើ ដេកដីជាឈើរបស់បរិស្ថាន តែបើឈើឡើងដល់លើឡាន ជាឈើយោធា ប៉េអឹម ហើយបើឈើណាខ្លឹមៗ ជារបស់ឧញ្ញ៉ា ចំពោះពលរដ្ឋវិញកាប់ដុតធ្យូង ដឹកអុសដោះស្រាយជីវភាពប្រចាំថ្ងៃឈើទាំងនោះខុសច្បាប់១០០%(នេះជារឿងពិតក្នុងខេត្តកំពង់ស្ពឺ) ។
ដោយឡែកលោកហេង.គួនប្រធានមន្ទីរបរិស្ថានខេត្តកំពង់ស្ពឺមិនអាចសុំការបំភ្លឺបានទេដោយសារតែភ្នាក់ងារកម្ពុជាថ្មីបានទូរសព្ទ័ចូលជាច្រើនដងតែមិនមានអ្នកទទួល។
យើងងាកមកមើលផ្លូវច្បាប់ម្តងតាមច្បាប់ក្រសួងបរិស្ថានមាត្រា៩៤.- មន្ត្រីរដ្ឋ បាលការពារ និងអភិរក្សធម្មជាតិ ឬ ភ្នាក់ងារអធិការកិច្ច ឬ មន្ត្រីបរិស្ថានរូបណា ដែលមានការធ្វេសប្រហែស ខ្វះការប្រុងប្រយត្ន័ ឬ មិន គោរពទៅតាម បទ បញ្ញា តិ្ត នៃច្បាប់នេះត្រូវទទួលទណ្ឌកម្មខាងវិនយ័រដ្ឋបាល និង/ឬ ត្រូវ ចោទប្រកាន់ ចំពោះមុខតុលាការ ។
មន្ត្រីរដ្ឋបាលការពារ និងអភិរក្សធម្មជាតិ ឬ ភ្នាក់ងារឬ ភ្នាក់ងារអធិការកិច្ច ឬ មន្ត្រីបរិស្ថានរូបណា ដែលសមគំនិតនិងអ្នកប្រព្រឹត្តបទល្មើស ឬ ជួយសម្រួលការប្រព្រឹត្តបទល្មើសនេះត្រូវផ្តន្ទាទោសដូចចារីដែរ៕
