ត្បូងឃ្មុំ៖ កម្លាំងសមត្ថកិច្ចចម្រុះ ដែលមានទាំងកម្លាំងនគរបាល កម្លាំងកងរាជអាវុធហត្ថ ជំនាញរដ្ឋបាលជលផល និងអាជ្ញាធរមូលដ្ឋាន ដឹកនាំដោយលោក ព្រាប ណាលីន អភិបាលរងក្រុងសួង ចុះបង្ក្រាបឧបករណ៍បទល្មើសនេសាទ នៅក្នុងដែនសមត្ថកិច្ចរបស់ខ្លួន កាលពីព្រឹក
ថ្ងៃទី៨ ខែមិថុនា ឆ្នាំ២០១៧ នៅចំណុចប្រឡាយ ស្ថិតក្នងភូមិសួងកើត សង្កាត់សួង ក្រុងសួង ខេត្តត្បូងឃ្មុំ។
សមត្ថកិច្ចបានឲ្យដឹងថា ជាលទ្ធផលក្នងប្រតិបត្តិការណ៍នេះ កម្លាំងធ្វើការរឹបអូសបានវត្ថុតាងរួមមាន លូស្បៃមុងចំនួន១៩វង់ របាំងព្រួលប្រវែង១៩០ម៉ែត្រ បង្គោលចំនួន១៩០ដើម និងចាក់ប្រលែងកូនត្រីចម្រុះគ្រប់ប្រភេទ ចូលបឹងធម្មជាតិវិញចំនួន១៥គីឡូក្រាមផងដែរ។
សមត្ថកិច្ចបានបញ្ជាក់ថា ចំពោះឧបករណ៍បទល្មើសនេសាទ ដែលកម្លាំងធ្វើការរឹបអូសបាន ត្រូវដុតបំផ្លាញចោល នៅក្បែរទីតាំងចុះបង្ក្រាបតែម្ដង ៕
