ខេត្តរតនគិរី៖ ជនសង្ស័យម្នាក់ត្រូវនគរបាលឃាត់ខ្លួនពាក់ព័ន្ធករណីលួចកាប់គោរបស់ប្រជាពលរដ្ឋ កាលពីវេលាម៉ោង៩យប់ថ្ងៃទី៩ ខែមិថុនា ឆ្នាំ២០១៧នៅចំណុចភូមិកាណាតឃុំតាឡាវ ស្រុកអណ្តូងមាស ខេត្តរតនគិរី។
នគរបាលស្រុកអណ្តូងមាសបានឲ្យដឹងថា ម្ចាស់គោឈ្មោះ រម៉ាម ខ្នា ភេទប្រុស អាយុ២៨ ឆ្នាំជនជាតិកាចក់ មានទីលំនៅភូមិកាណាតឃុំតាឡាវស្រុកអណ្តូងមាស។
នគរបាលដដែលបានបន្តទៀតថា ជនសង្ស័យឈ្មោះចាន់ ធិម ភេទប្រុស អាយុ៤២ ឆ្នាំជនជាតិខ្មែរ មុខរបកសិករ មានទីលំនៅភូមិឃុំកើតហេតុខាងលើ។ ក្រោយពីបានទទួលពាក្សបណ្តឹង ពីប្រជាការពារភូមិ កម្លាំងយើងបានធ្វើការចុះស្រាវជ្រាវ រហូត រកឃើញវត្ថុតាង សាច់គោនិងឆ្អឹង ត្រចៀក ជើង ស្នែង ខ្សែចង់គោ៦ ម៉ែត្រ កាំបិតមុខស្រួចចំនួន១(គោអាយុប្រហែល៦ឆ្នាំ)។
បច្ចុប្បន្នជនសង្ស័យត្រូវនគរបាលឃាត់ខ្លួនយកមកអធិការដ្ឋាននគរបាលស្រុកអណ្តូងមាសដើម្បីសួរនាំនឹងកសាងសំណុំរឿងបញ្ជូនទៅកាន់សាលាដំបូងខេត្តចាត់ការបន្តតាមនិរិវិធីច្បាប់ ៕ដោយ: យក្ខឡោម
