ក្រចេះ៖ ដោយផ្អែកទៅតាមសេចក្ដីរាយការណ៍ នឹង សភាពការជាក់ស្ដែង ដែលភ្នាក់ងារកាសែតកម្ពុជាថ្មីទទួលបានពីប្រជាពលរដ្ឋដែលរស់នៅឃុំឃ្សឹមបានប្រាប់ឲ្យដឹងថា មានរថយន្តជាច្រើនបានកំពង់តែសំរុកដឹកជញ្ជូនឈើធ្នង់ចេញពីក្រុមហ៊ុនខ្មែរអង្គរឆ្លងកាត់តាមច្រកផ្លូវលំអមតាមជើងភ្នំ
ព្រិចយ៉ាងគំហ៊ុក។ ក៏ប៉ុន្តែ លោក ប្រាក់ សំបូរ នាយផ្នែករដ្ឋបាលព្រៃឈើរឆ្លូង មិនព្រមគិតគូរ លៃលកចាត់វិធានកាតបង្ក្រាបការធ្វើចរាចរដឹជញ្ជូនឈើរធ្នង់ដោយខុសច្បាប់របស់ក្រុមឈ្មួញទាំងនោះឆ្លងកាត់តាមច្រកផ្លូវលំមួយកន្លែងអមតាមជើងភ្នំនោះទៅតាមយុទ្ធសាស្ត្រកំណែទម្រង់ស៊ីជម្រៅរបស់ប្រមុខរាជរដ្ឋាបាលនោះឡើយ។
ចំណែក ឯ ក្រុមឈ្មួញដែលរកស៊ីដឹកឈើធ្នង់នៅតំនោះមួយចំនួនក៏បានបង្ហើបឲ្យដឹងផងដែរថា មិនពេលដែលគាត់យករថយន្តស៊េរីទំនើបៗ មកដឹកឈើធ្នង់ខុសច្បាប់ចេញពីតំបន់នោះបានយ៉ាងដូច្នេះ គឺដោយសារតែពួកគាត់បានបង់លុយទៅឲ្យ លោក ឡាយ ធុច នាយសង្កាត់រដ្ឋបាលព្រែឈើស្វាយជ្រះដែលត្រូវជាកូនចៅរបស់លោក ប្រាក់ សំបូរ ជាមុនរួចរាល់អស់បាត់ទៅហើយ ក៏ ប៉ុន្តែ បើទោះបីជាយ៉ាង ក៏ដោយចុះ ក៏ក្រុមឈ្មួញទោះមិមបានបញ្ជាក់ប្រាប់ឲ្យដឹងដែរថា ពួកគាត់នឹងបានបង់លុយទៅឲ្យ លោក ឡាយ ធុច ចំនួនប៉ុន្មានម៉ឺនរៀលឬ ក៏ប៉ុន្មាន រយ ដុល្លានោះដែរ ដូច្នេះ ស បញ្ជាក់ឲ្យឃើញថា រាល់ការធ្វើចរាចរដឹកជញ្ជូនឈើគ្រប់រូបភាពទាំងអស់ចេញពីតំបន់ភ្នំព្រិច ស្រុក ស្នួល ខេត្តក្រចេះ សព្វថ្ងែនេះអាចប្រព្រឹត្តបានក្នុងសភាពយ៉ាងរលូនដូច្នេះ ក៏ វាអាស្រ័យទៅលើមន្ត្រីរដ្ឋបាលព្រៃដែល ឈ ជើងនៅស្រុកស្នួលមួយចំនួនមានការឃុបឃិតជាមួយក្រុមឈ្មួញរកស៊ីឈើខុសប្បាប់ទាំងដែរ។ ចំណែកលោកប្រាក់ សំបូរ នាយផ្នែករដ្ឋបាលព្រៃឈើឆ្លូងវិញនោះ ភ្នាក់ងារកាសែតកម្ពុជាថ្មីប្រចាំខេត្តក្រចេះ មិនអាចសុំការបំភ្លឺបានទេក្នុងថ្ងែនេះ ពិព្រោះទូរស័ព្ទរបស់គាត់ភ្ជាប់ប្រព័ន្ធប៊ីស៊ីតែរហូត។
