សៀមរាប៖ មានការភ្ញាក់ផ្អើលមួយបណ្តាលមកពី មន្ត្រីចំណុះឲ្យអធិការដ្ឋាននគរបាល ស្រុកជីក្រែង អនុវត្តច្បាប់ទទឹង ទទែងដោយគ្មានសីលធម៌ មកលើប្រជាពលរដ្ឋ ដែលស្លូតត្រង់ កំពុងតែធ្វើដំណើរឆ្លងកាត់ស្រុកជីក្រែង ខេត្តសៀមរាប ដែលបណ្តាលឲ្យមហាជន មានការិះគន់យ៉ាងធ្ងន់ធ្ងរ មកលើអធិការស្រុកជីក្រែង ដែលពុំ មានចំណេះដឹង ក្នុងការណែនាំឲ្យមន្ត្រីរបស់លោក អនុវត្តច្បាប់ ដោយមានការគោរពសិទ្ធិដល់អ្នកដ៏ទៃ។
ជាក់ស្តែងនៅល្ងាចថ្ងៃទី ១០ ខែ មិថុនា ឆ្នាំ ២០១៤ ស្ថិតនៅតាមបណ្តោយ ផ្លូវជាតិលេខ៦ ត្រង់ចំនុចភូមិ កំពង់ក្តី ស្រុកជីក្រែង ខេត្តសៀមរាប មុខអធិការស្រុកជីក្រែង នៅវេលាម៉ោង ៦.១០នាទីល្ងាច មានកំលាំង របស់ប៉ុស្តិ៍រដ្ឋបាល បានដាក់បារាស់ស្ទាក់ចាប់ជនល្មើស ដែលបានបង្ករគ្រោះថ្នាក់ចរាចរ ហើយបានគេ បើក រថយន្តគេច ដែលជាកាសង្ស័យរបស់
សមត្ថកិច្ច ទើបបានបទបញ្ជាពីលោក តូច សាកល អធិការ ស្រុកជីក្រែង បានបញ្ជាឲ្យមន្ត្រីរបស់ខ្លួន ដាក់កំលាំងស្ទាក់ចាប់រថយន្ត ដែលមានការឲ្យដៃមកមិនច្បាស់ការ បណ្តាលឲ្យមន្ត្រីថ្នាក់ក្រោមរបស់លោក កាក់រថយន្តវាសវាលពាសកាល ដោយអាងអំណាច បង្ករឲ្យមាន ភាពភ្ញាក់ផ្អើល ដល់ប្រជាពលរដ្ឋ និងមហាជនថា កំលាំងសមត្ថកិច្ចនៃអធិការ
ស្រុកជីក្រែង ហាក់ដូចជាមិន ដែលចូលសាលា និងទទួលការអប់រំ សីលធម៌ ដោយសុំការត្រួតពិនិត្យ តាមវិន័យនិងសេចក្តី ថ្លៃថ្នូរ លេខ០០៦ របស់អគ្គស្នងការនគរបាលជាតិ គឺអាងតែអំណាច បានកាក់រថយន្ត ដោយគ្មានការទទួលពត៌ មានច្បាស់លាស់ គ្មានដឹងថាគ្រោះថ្នាក់នោះនៅទីណា វេលាម៉ោងប៉ុន្មាន រថយន្តសេរីអ្វី ពណ៌អ្វី ចេះតែកាក់ បង្ករភាពរំខានដល់
មហាជនដែលធ្វើដំណើរ ដែលបានបញ្ជាក់ពីសកម្មភាពដូចចាប់ចោរប្លន់ បង្ករភាពភ្ញាក់ ផ្អើល ។ តាមការឲ្យដឹងពី ជនរងគ្រោះបានបញ្ជាក់ថា កំលាំងរបស់មន្ត្រីនៃអធិការស្រុកជីក្រែង កាក់រថយន្តពុំមាន ការសុំអនុញ្ញាតិត្រឹមត្រូវ ពេលសួរនាំរឿងអ្វីបានជាកាក់រថយន្តរបស់គាត់ តែត្រូវបានមន្ត្រីរូបនោះ ឆ្លើយថា តាមបទបញ្ជារបស់ លោក តូច សាកល ហើយថែមទាំង
បញ្ជាក់ថាធ្វើម៉េចទេ ច្បាប់គឺអញ្ចឹងហើយ តែគេឲ្យកាក់គឺកាក់ហើយ ដូច្នេះទើបមានការសង្ស័យថា ច្បាប់មាត្រាទីប៉ុន្មានដែលកាក់រថយន្តដោយគ្មាន មូលហេតុត្រឹមត្រូវ ។ ពុំនោះសោតនៅពេលដែលដឹងខ្លួនថា កាក់រថយន្តខុសបង្ករឲ្យខាតបង់ពេលវេលា ដែលជាមាសជាប្រាក់ របស់គេនោះ លោក តូច សាកល ឬមន្ត្រីអនុវត្តច្បាប់នៅកន្លែងកើតហេតុ ពុំមានការ ការសុំ
ទោសជាការគួសម ចំពោះជនរងគ្រោះនោះទេ បែរជាសើចចំអកឡកឡើយទៅវិញ ។ ជាចុងក្រោយ ជនរងគ្រោះបានសំណូមពរដល់ លោក នេត សាវឿន អគ្គស្នងការនគរបាលជាតិ និងលោក សត ណាឌី ស្នងការនគរបាលខេត្តសៀមរាប មេត្តាជួយណែនាំ អធិការ និងមន្ត្រីស្រុកជីក្រែងផង ។ 
