កំពង់ចាម: មន្ត្រីនគរបាល អាវុធហត្ថ និងយោធាខេត្តត្បូងឃ្មុំ ចំនួន៥នាក់ ដែលកម្លាំងនៃអធិការដ្ឋាននគរបាលស្រុកព្រៃឈរ បង្ក្រាបនិងឃាត់ខ្លួនបាន
កាលពីថ្ងៃទី១៤ ខែមិថុនា ឆ្នាំ២០១៧ ខណៈដែលក្រុមជនសង្ស័យទាំងនោះ បានដេញតាមចាប់រថយន្តដឹកឈើឆ្លងខេត្ត ហើយធ្វើការបាញ់បោះសេរីទៀតនោះ ត្រូវបានលោក នៅ យ៉ារ័ត្ន ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៣៦៥ឃ.ខ, ៣៦៦ឃ.ខ, ៣៦៧ឃ.ខ, ៣៦៨ឃ.ខ, និង៣៦៩ឃ.ខ ចុះថ្ងៃទី១៩ ខែមិថុនា ឆ្នាំ២០១៧ សម្រេចឃុំខ្លួនជនជាប់ចោទចំនួន០៥នាក់ ពីបទកំហែងយក បទជ្រៀតជ្រែកក្នុងមុខងារសាធាណៈ តំណែងផ្លូវការ និងប្រើប្រាស់អាវុធដោយគ្មានការអនុញ្ញាត។
សូមរំលឹកផងដែរថាៈ កាលថ្ងៃទី១៤ ខែមិថុនាឆ្នាំ២០១៧ កម្លាំងអធិការដ្ឋាននគរបាលស្រុកព្រៃឈរ បានបង្ក្រាបនិងឃាត់ខ្លួនមន្ត្រីនគរបាល អាវុធហត្ថ និងយោធាខេត្តត្បូងឃ្មុំ ដែលដេញតាមចាប់រថយន្តដឹកឈើ១គ្រឿង ហើយថែមទាំងធ្វើការបាញ់បោះសេរី តាំងពីខេត្តត្បូងឃ្មុំ រហូតដល់ទឹកដីខេត្តកំពង់ចាម ដែលបានប្រព្រឹត្តឡើងនៅភូមិព្រៃញា ឃុំផ្អាវ ស្រុកបាធាយ ដោយឃាត់ខ្លួនជនសង្ស័យចំនួន៥នាក់ ដែលមានឈ្មោះដូចខាងក្រោម÷
១ , ឈ្មោះ ខែម សុធារ័ត្ន ភេទប្រុស អាយុ៣៣ឆ្នាំ
សញ្ជាតិខ្មែរ មុខរបរ នាយផ្នែកសន្តិសុខនៃកងរាជអាវុធហត្ថក្រុងសួង ទីកន្លែងកំណេីត និងអាស័យដ្ឋានបច្ចុប្បន្ន នៅភូមិសួងលិច សង្កាត់សួង ក្រុងសួង ខេត្តត្បូងឃ្មុំ ។
២, ឈ្មោះ ជាតិ សំណាង ភេទប្រុស អាយុ៤០ឆ្នាំ សញ្ជាតិខ្មែរ មុខរបរ យោធាស្រុកត្បូងឃ្មុំ ទីកន្លែងកំណេីត និងអាស័យដ្ឋានបច្ចុប្បន្ន នៅភូមិខ្នាចក្រសាំង ឃុំជីគរស្រុកត្បូងឃ្មុំ ខេត្តត្បូងឃ្មុំ ។
៣, ឈ្មោះ កេត ដារ៉ា ហៅរ៉ាន ភេទប្រុស អាយុ៣៨ឆ្នាំ សញ្ជាតិខ្មែរ មុខរបរ យោធាស្រុកត្បូងឃ្មុំ ទីកន្លែងកំណេីត ភូមិរកាទ្រា ឃុំគួនគង់ ស្រុកកញ្រ្ជៀច ខេត្តព្រៃវែង អាស័យដ្ឋានបច្ចុប្បន្ន នៅភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ ។
៤, ឈ្មោះ ម៉ៅ អឿន ភេទប្រុស អាយុ៤២ឆ្នាំ សញ្ជាតិខ្មែរ មុខរបរ យោធាស្រុកត្បូងឃ្មុំ ទីកន្លែងកំណេីតនិងអាស័យដ្ឋានបច្ចុប្បន្ន នៅភូមិ១៨ ឃុំជប់ ស្រុកត្បូងឃ្មុំ ខេត្តត្បូងឃ្មុំ ។
៥, ឈ្មោះ ផុន វាសនា ភេទប្រុស អាយុ៣៦ឆ្នាំ សញ្ជាតិខ្មែរ មុខរបរ នគរបាលស្រុកត្បូងឃ្មុំ ទីកន្លែងកំណេីតនិងអាស័យដ្ឋានបច្ចុប្បន្ន នៅភូមិសួងលិច សង្កាត់សួង ក្រុងសួង ខេត្តត្បូងឃ្មុំ ។
បច្ចុប្បន្នជនជាប់ចោទត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាមរួចរាល់ហើយ នៅថ្ងៃទី១៩ ខែមិថុនា ឆ្នាំ២០១៧ ទៅតាមបញ្ញត្តិច្បាប់មាត្រា៣៦៣ , ៣៦៤ , ៦០៩, នៃក្រមព្រហ្មទណ្ឌ និងមាត្រា២០នៃច្បាប់ស្តីពីការគ្រប់គ្រងអាវុធគ្រឿងផ្ទុះនិងគ្រាប់រំសែវ៕
