ខេត្តព្រះសីហនុ៖ នៅរសៀល ថ្ងៃទី២០ ខែ មិថុនា ឆ្នាំ២០១៧ នេះ នគរបាលព្រហ្មទណ្ឌខេត្តព្រះសីហនុ ស្រាវជ្រាវ ចាប់បាន ជនសង្ស័យ ១នាក់ ពីបទចោរកម្ម (លួចកាច់សោរក យកកម៉ូតូ) បទល្មើសនេះ កើតឡើង នៅ ថ្ងៃទី១៤ ខែមិថុនា ឆ្នាំ២០១៧ នៅទំនប់រលកចាស់ ភូមិ៤ សង្កាត់លេខ១ ក្រុងព្រះសីហនុ។ជនសង្ស័យ ឈ្មោះចេង មករា ភេទប្រុស អាយុ ២២ឆ្នាំ មានទីលំនៅ នៅភូមិ៣ សង្កាត់១ ក្រុង-ខេត្តព្រះសីហនុ មុខរបរជាកម្មករ។
វត្ថុតាងចាប់យកបានមាន៖ ម៉ូតូ ០១គ្រឿង ម៉ាក ហុងដាអាយខន ពណ៌ស លេខតួ និងលេខម៉ាស៊ីន 0001145 (ផលនៃអំពើលួច) និងស្នាប់ដៃ១។ជនសង្ស័យខាងលើនេះ បានធ្វើសកម្មលួចកាច់សោរកយកម៉ូតូរបស់ប្រជាពលរដ្ឋ យកបានម៉ូតូ ០១គ្រឿង ម៉ាក ហុងដា អាយខន ពណ៌ក្រហម លាយ ផ្ទៃមេឃ ។
បន្ទាប់ពីលួចបានជនសង្ស័យ បានយកម៉ូតូនេះ បាញ់ថ្នាំ ទៅជាពណ៌ស ដើម្បីបំភាន់ភ្នែកជនរងគ្រោះ និងសមត្ថកិច្ច ។ ករណីនេះ សមត្ថកិច្ច កំពុងកសាងសំណុំរឿងតាមនីតិវិធី បញ្ជូនទៅសាលាដំបូងខេត្ត ដើម្បីចាត់ការតាមច្បាប់ ៕
