អារ៉ាប៊ីសាអ៊ូឌី មន្ដ្រីបានលើកឡើងថា កាលពីថ្ងៃទី៩ ខែមិថុនា ឆ្នាំ២០១៤ តុលាការអារ៉ាប៊ី សាអូឌីតបានកាត់ទោសជនជាប់សង្ស័យ បង្កភេរវកម្ម៣៣នាក់ឱ្យជាប់ពន្ធនាគារ ក្នុងម្នាក់ៗរយៈពេល៣០ឆ្នាំ ដែលការ សម្រេចនេះធ្វើឡើងក្រោយការចាប់ខ្លួន ជនសង្ស័យខាងលើអស់រយៈពេល៨ឆ្នាំ កន្លងមកហើយ ។ កាលពីឆ្នាំ២០០៦ មនុស្សនៅក្នុង ស្រុក Riyadh´s al Nakheel ៧១នាក់ ត្រូវអាជ្ញាធរចាប់ខ្លួនដោយជាប់ព័ន្ធក្នុង អំពើភេរវកម្ម, ការលាក់ទុកអាវុធ និង ការរត់ចេញពីពន្ធនាគារជាដើម ។
បើទោះបីមានការកាត់ទោសមនុស្ស ៣៣នាក់កាលពីថ្ងៃទី៩ ខែមិថុនា ប៉ុន្ដែ ទីភ្នាក់ងារព័ត៌មានសាអ៊ូឌីត(SPA) ពុំ បានផ្សព្វផ្សាយព័ត៌មានទាក់ទងជាមួយ មនុស្ស៣៨នាក់ផ្សេងទៀតក្នុងចំណោម អ្នកដែលត្រូវចាប់ខ្លួននោះទេ ។ តុលាការ Jeddah បានកាត់សេចក្ដី ហាមមិនឱ្យអ្នកទោសទាំងនេះធ្វើដំណើរ ចេញទៅក្រៅប្រទេស បន្ទាប់ពីចេញពី ពន្ធនាគារនោះផងដែរ ។
ក្នុងឆ្នាំ២០០៦ អាជ្ញាធរសាអ៊ូឌីត បានចំណាយពេល៣ឆ្នាំប្រយុទ្ធ និងបោស សម្អាតពួកភេរវកម្មអាល់កៃដាដែល មានបំណងធ្វើឱ្យអស្ថិរភាពប្រទេស សម្ពន្ធមិត្ដលេខមួយរបស់អាមេរិក និង ជាប្រទេសដែលមានចេញប្រេងលំដាប់ លេខមួយក្នុងពិភពលោក ហើយជាលទ្ធ ផល អារ៉ាប៊ីសាអ៊ូឌីតឃុំខ្លួន១១.០០០ នាក់ក្នុងមន្ទីរឃុំឃាំងរបស់សន្ដិសុខ។
ក្រុមអាល់កៃដាដែលនៅសេសសល់ ពីនេះបានភៀសខ្លួនទៅកាន់យេមែន ហើយនៅឆ្នាំ២០០៩ ពួកគេបានរួបរួម ជាមួយក្រុមឧទ្ទាមនៅទីនោះបង្កើតជា បណ្ដាញភេរវកម្មអាល់កៃដានៅឧបទ្វីប អារ៉ាប ហើយដែលបច្ចុប្បន្ននេះត្រូវគេ មើលឃើញថា ជាបណ្ដាញភេរវកម្ម មួយប្រកបដោយគ្រោះថ្នាក់សម្រាប់ ពិភពលោក ។
