រដ្ឋាភិបាលប្រេស៊ីលនៅតែមិនទាន់ អាចធ្វើឱ្យល្អប្រសើរឡើងវិញ នូវរលក បាតុកម្ម ដែលកាន់តែកើនខ្លាំងឡើងពី មួយថ្ងៃទៅមួយថ្ងៃ ពិសេសក្រុមបុគ្គលិក រថភ្លើងនៅទីក្រុង សៅប៉ូឡូ ។ ការធ្វើ បាតុកម្មនៅពេលនោះ កើតឡើងនៅចំ ពេលដែលប្រេស៊ីលនៅសល់តែ២ថ្ងៃ ទៀតប៉ុណ្ណោះ ព្រឹត្ដិការណ៍បាល់ទាត់សំខាន់ បំផុតលើពិភពលោក៤ឆ្នាំម្ដង ត្រូវបើក ការប្រកួត ។ ការធ្វើបាតុកម្មរបស់បណ្ដាបុគ្គលិក ក្រុមហ៊ុនដឹកជញ្ជូនតាមរថភ្លើងនៅទីក្រុង សៅប៉ូឡូ មិនទាន់មានសញ្ញាចុះថយ នៅឡើយរយៈពេល៥ថ្ងៃកន្លងមក។
សហ ជីពកម្មករ ក៏ដូចជាភាគីរដ្ឋាភិបាលមិន ទាន់មានការឯកភាពណាមួយបញ្ចប់ ស្ថានភាពបាតុកម្មនៅឡើយ ។ ចាប់តាំងពីថ្ងៃចន្ទកន្លងមក ការធ្វើ បាតុកម្មមិនមានលក្ខណៈសន្ដិវិធីដូចមុន ទៀតឡើយ គឺប្រែក្លាយទៅជាហិង្សា ។ ក្រុមបាតុករខឹងសម្បាបានប្រើកម្លាំង បាយវាយតប់ គប់ដុំថ្ម ទៅលើកម្លាំង ប៉ូលិសដែលការពារនៅស្ថានីយរថភ្លើង អាណារូហ្សា ។ ប៉ូលិសបង្ក្រាបបាតុកម្ម បានប្រើប្រាស់គ្រាប់បែកផ្សែងបង្ហូទឹក ភ្នែក ដំបងឆក់ បំបែកហ្វូងបាតុករ ។
នៅក្នុងព្រឹត្ដិការណ៍មួយពាក់ព័ន្ធនោះ ដែរ រដ្ឋាភិបាលប្រេស៊ីលបានប្រកាស ចំណាយមូលនិធិសម្រាប់ការពារសន្ដិសុខ នៅក្នុងព្រឹត្ដិការណ៍ប្រកួតបាល់ទាត់ពិភព លោក ឆ្នាំ២០០៤ មានច្រើនជាង៥ដង បើប្រៀបធៀបនឹងការប្រកួតវើលខាប់ នៅប្រទេសអាហ្វ្រិកខាងត្បូង ។
ប្រព័ន្ធផ្សព្វផ្សាយនានាបានបង្ហាញរូប ភាពកម្លាំងប៉ូលិសទាហានបំពាក់អាវុធ ទំនើបៗដាក់ពង្រាយគ្រប់ទិសទី ពិសេស នៅតាមពហុកីឡដ្ឋានចំណតរថយន្ដក្រុង រថភ្លើងយ៉ាងច្រើន ទប់ទល់ហេតុការណ៍ អាក្រក់ដែលអាចកើតឡើង ។ ការដាក់ ពង្រាយកម្លាំងសន្ដិសុខយ៉ាងច្រើនបែប នេះ នៅពេលមានសញ្ញាអសន្ដិសុខកើត ឡើងនៅក្នុងប្រទេសនេះ ដោយការធ្វើ បាតុកម្ម ។
រដ្ឋាភិបាលប្រេស៊ីលបានប្រកាស ចំណាយមូលនិធិរហូតដល់៨៤០លាន ដុល្លារ សម្រាប់ការពារសន្ដិសុខក្នុងរយៈ ពេល១ខែមានការប្រកួតបាល់ទាត់ពិភព លោក ។ ទឹកប្រាក់១ភាគ៣ ក៏បានផ្ដល់ ឱ្យកម្លាំងការពារសន្ដិសុខនៅតាម បណ្ដោយព្រំដែនផងដែរ ។ ទឹកប្រាក់ សម្រាប់ចំណាយសន្ដិសុខច្រើនជាងការ ប្រកួតវើលខាប់នៅអាហ្វ្រិកខាងត្បូង ដល់ទៅ៥ដង ។
កម្លាំងប៉ូលិស១៧០ពាន់ នាក់បានដាក់ពង្រាយនៅពហកីឡដ្ឋាន ១២ ដែលជាកន្លែងប្រកួតវើលខាប់ ។ ក្រៅពីនេះនៅមានឧទ្ធម្ភាចក្រ យន្ដហោះ គ្មានមនុស្សបើក ឧបករណ៍អេឡិចត្រូនិក ដាក់ពង្រាយនៅគ្រប់ទិសទីទៀតផង ។
