ការធ្វើសមយុទ្ធយោធាជាទ្រង់ទ្រាយ ធំនៅលើទឹកដីប្រទេស Latvia ដោយ មានការចូលរួមពី១០ប្រទេសជាសមា ជិករបស់ណាតូ ។ ការធ្វើសមយុទ្ធនោះ មានកម្លាំងទាហានសរុប៤៧០០នាក់ រថក្រោះ រថពាសដែក រថយន្ដដឹកជញ្ជូន យោធា ជាង៨០០គ្រឿង ។
សមយុទ្ធមានឈ្មោះថា Saber Strike 2014 ត្រូវបានធ្វើឡើងលើកទី៤ហើយ ក្នុងឆ្នាំនេះ ហើយធ្វើឡើងចំពេលជាមួយ គ្នានៃការធ្វើសមយុទ្ធកម្លាំងទាហានជើង ទឹកនៅសមុទ្របាល់ទិកផងដែរ ។ កម្លាំង ទាហានមកពីអាមេរិក កាណាដា ដាណឺ ម៉ាក ហ្វាំងឡង់ ឡាត់វៀ ប៉ូឡូញ ណ័រ វេសន៍ អង់គ្លេស ក៏បានចូលរួមក្នុងការ ធ្វើសមយុទ្ធនោះផងដែរ ។ សមយុទ្ធ អូសបន្លាយពេល២សបា្ដហ៍ដោយមាន ប្រទេសចំនួន៣នៅតំបន់បាល់ទិកជាអ្នក ដឹកនាំនៃការធ្វើសមយុទ្ធនោះ ។
នៅក្នុងប្រទេសឡាតវៀ ពិធីបើកការ ចាប់ផ្ដើមធ្វើសមយុទ្ធរៀបចំឡើងនៅ ក្នុងប្រទេសនោះដែលជាការធ្វើសមយុទ្ធ ទ្រង់ទ្រាយធំបំផុតរបស់ណាតូមិនធ្លាប់ មានចាប់តាំងពីឆ្នាំ២០០៤ ។ រដ្ឋមន្ដ្រី ការពារជាតិឡាតវៀបានឱ្យដឹងថា ពិធី ចាប់ផ្ដើមការធ្វើសមយុទ្ធមានឈុតឆាក សម្ដែងរបស់កម្លាំងទ័អាកាស ដោយ មានការចូលរួមពីយន្ដហោះទម្លាក់គ្រាប់ បេ-៥២របស់អាមេរិកទៀតផង ។
សមយុទ្ធកើតឡើងនៅចំពេលដែលណាតូ និងរុស្ស៊ីប្រឈមមុខតានតឹងដោយ សារវិបត្ដិនយោបាយនៅអ៊ុយក្រែន។ ណាតូបង្កើនវត្ដមានកម្លាំងទាហាន របស់ខ្លួននៅបណ្ដាប្រទេសជាប់ព្រំដែន ត្រៀមលក្ខណៈទប់ទល់នឹងទីក្រុងមូស្គូ ប្រសិនបើរុស្ស៊ីលូកដៃចូលជ្រៅ ។
