ក្រសួងមហាផ្ទៃអេហ្ស៊ីប កាលពីថ្ងៃទី ៩ បានប្រកាសថា អាជ្ញាធរបានចាប់ ឃាត់ខ្លួនបុរស៧នាក់ដែលបានចាប់ រំលោភទៅលើស្ដ្រីភេទ ក្នុងអំឡុងពេល មនុស្សរាប់ពាន់នាក់ចូលរួមពិធីអបរអរ សាទរការស្បថចូលកាន់តំណែងរបស់ ប្រធានាធិបតី Abdel Fattah al Sisi នៅជិតទីលាន Tahrir Square ក្នុងទីក្រុង កៃរ៉ូ ប្រទេសអេហ្ស៊ីប ។ កាលពីសបា្ដហ៍ថ្មីៗនេះ អេហ្ស៊ីបបាន ចេញច្បាប់ថ្មីដោយដាក់ទោសទ័ណ្ឌអ្នក ប្រព្រឹត្ដល្មើសចាប់រំលោភផ្លូវភេទ ដោយជាប់ទោសយ៉ាងតិច៦ខែនៅក្នុង ពន្ធនាគារ ឬពិន័យទឹកប្រាក់ទាបបំផុត ៣ពាន់ផោនអេហ្ស៊ីប ស្មើ៤២០ដុល្លារ អាមេរិក ។
សេចក្ដីថ្លែងការណ៍របស់ក្រសួង មហាផ្ទៃបានបញ្ជាក់ថា ឈរទៅលើ គោលការណ៍ពង្រឹងសន្ដិសុខក្នុងឱកាស ប្រារឰពិធីស្បថចូលកាន់តំណែងប្រធា នាធិបតី ថ្ងៃទី៨ ខែមិថុនា កម្លាំងសន្ដិ សុខបានចាប់ខ្លួនបុរស៧នាក់ដែលបាន ធ្វើសកម្មភាពចាប់ស្ដ្រីយកទៅរំលោភ។ ប្រភពពីប្រព័ន្ធយុត្ដិធម៌អេហ្ស៊ីបបាន បញ្ជាក់ថា បុរសដែលត្រូវចាប់ខ្លួនពាក់ ព័ន្ធនឹងការរំលោភផ្លូវភេទខាងលើនេះ មានអាយុចាប់ពី១៥ឆ្នាំដល់៤៩ឆ្នាំ ។
ក្រោយការចាប់ឃាត់ខ្លួន ព្រះរាជអាជ្ញា ឃុំខ្លួនពួកគេ៤ថ្ងៃដើម្បីស៊ើបអង្កេត។ តាមការសារភាព បុរស២នាក់បាន ទទួលស្គាល់ថា ពួកគេបានវាយទៅលើ ស្ដ្រីម្នាក់ ខណៈដែលបុរស៥នាក់ផ្សេង ទៀតបដិសេធ ធ្វើខុសដូចការចោទ ប្រកាន់នោះឡើយ ។
