ខេត្តព្រះសីហនុ៖ឈាមស្រែកស្បែកហៅ ប្តីតិរិច្ឆាននាំពួកម៉ាកមួយក្រុមមករំលោភប្រពន្ធ រួចសំលាប់ចោលព្រោះខ្លាចបែកការហើយយកទៅបោះចោលក្នុងព្រៃ ពេលនេះត្រូវនគរបាល ចាប់ខ្លួនបានអស់ហើយបន្ទាប់ពីរត់គេចខ្លួនបាត់មួយរយៈ។
បច្ចុប្បន្នត្រូវបញ្ជូនទៅឃុំខ្លួនបណ្តោះអាសន្ននៅពន្ធនាគារខេត្តព្រះសីហនុរងចាំកាត់ក្តីតាមច្បាប់។
……………………………………..
លោកវរសេនីយ៍ទោ ញ៉ែត ភ័ណ្ឌ នាយការិយាល័យនគរបាលព្រហ្មទណ្ឌកម្រិតធ្ងន់ខេត្តព្រះសីហនុ បានឲ្យដឹងថា៖ អំពេីមនុស្សឃាត នេះកេីតឡើងក្នុងអំឡុងជិតភ្លឺថ្ងៃទី១០ខែ មីនាឆ្នាំ២០១៧ មកម៉្លេះ។ រហូតដល់ថ្ងៃទី១៣ខែមីនា ទើបប្រជាពលរដ្ឋប្រទះឃើញសាកសពជនរងគ្រោះ ដែលពួកឃាតករ បានទុកចោលនៅក្នុងព្រៃក្បែរស្លាកបារីអាឡាំងដឺឡុង ផ្លូវទៅអូរត្រេះចាស់ ក្នុងក្រុមទី២០ ភូមិ៦ សង្កាត់លេខ៤ ក្រុងព្រះសីហនុ។
ជនរងគ្រោះឈ្មោះប្រាក់ សុធី(ហៅស្តេីង) ភេទស្រីអាយុ២៤ឆ្នាំ មានលំនៅឋាននៅភូមិអូរចំណារ ឃុំអូរឧកញ៉ាហេង ស្រុកព្រៃនប់។ បានមកធ្វើការក្នុងហាងខារ៉ាអូខេមួយនៅក្រោយមន្ទីរពេទ្យបង្អែក សង្កាត់លេខ៤ ក្រុង/ ខេត្តព្រះសីហនុ ។
លោកញ៉ែត ភណ្ឌ បានបញ្ជាក់ថា៖ ដោយមានការណែនាំ ដ៏ច្បាស់លាស់ របស់លោកឧត្តមសេនីយ៍ទោជួន ណារិន្ទស្នងការនគរបាលខេត្ត គ្រប់ដំណើរការ នីតិវិធីនៃការស៊ើបអង្កេត យើងដាក់ការសង្ស័យជាងគេទៅលេីបុរសម្នាក់ ឈ្មោះ ទៀន ខ្លុញ ដែលធ្លាប់ជាប្តីរបស់ជនរងគ្រោះ ពីព្រោះជនរងគ្រោះធ្លាប់ត្អូញត្អែរប្រាប់គេឯងថាៈ ប្តីរបស់នាងបានគំរាមសម្លាប់នាង ។
ក្រោយពីកំណត់មុខសញ្ញាបានហើយនគរបាលបាន ស្នេីសុំដីកាកោះហៅឲ្យចូលខ្លួនពីស្ថាប័ន ព្រះរាជអាជ្ញាតែជនមុខសញ្ញាបានគេចខ្លួនមួយរយៈពេល។
លុះដល់ម៉ោង០,៣០នាទី រំលងអាធ្រាត្រ ឈានចូល ថ្ងៃទី៦ខែកក្កដា ឆ្នាំ២០១៧ កម្លាំងជំនាញបានឃើញឈ្មោះទៀន ខ្លុញ ក្នុងរង្គសាលឌីស្កូថេក អិលវី សមត្ថកិច្ចបានឃាត់ខ្លួនជននោះមកសាកសួរ និងឈានទៅចាប់បានបក្សពួកជាបន្តបន្ទាប់ សរុបទាំងអស់ ចំនួន៤នាក់៖
១,ឈ្មោះទៀន ខ្លុញ ឬ ទៀន ប៊ុនឡូ ភេទប្រុសអាយុ៣០ឆ្នាំ ស្នាក់នៅក្រុមទី២០ ភូមិ២ សង្កាត់លេខ១ ក្រុង/ខេត្តព្រះសីហនុ មុខរបរកម្មករសំណង់ អតីតកាលត្រូវជាប្តីអត់ខ័នស្លា របស់ជនរងគ្រោះ។
២,ឈ្មោះសៅ បូរ៉ា ភេទប្រុស អាយុ៣២ ឆ្នាំ មានទីលំនៅឋាន នៅភូមិ៤ សង្កាត់លេខ១ក្រុងព្រះសីហនុ មុខកម្មករសំណង់។
៣,ឈ្មោះផុន សុភ័ណ្ឌ ភេទប្រុសអាយុ៣០ឆ្នាំ មានលំនៅឋាននៅភូមិ៣ សង្កាត់លេខ ២ ក្រុងព្រះសីហនុ មុខរបរកម្មករសំណង់។
៤,ឈ្មោះស៊ុន ណារិទ្ធិ ភេទប្រុសអាយុ៣០ឆ្នាំ មានទីលំនៅឋាននៅភូមិ១ សង្កាត់លេខ១ក្រុងព្រះសីហនុ កម្មករសំណង់។
លោកញ៉ែត ភ័ណ្ឌ បានឱ្យដឹងថា ៖ ជនសង្ស័យទាំង៤បាន សារភាពថានៅចំពោះ មុខសមត្ថកិច្ចថា កាលពីថ្ងៃកេីតហេតុនោះ ពួកវាមានគ្នា៥នាក់ បាននាំគ្នាទៅផឹកស៊ីច្រៀងខារ៉ាអូខេនៅហាងឈ្មោះស្រីខួច ក្រោយពេទ្យ តាំងពីម៉ោង៨យប់ រហូតដល់ម៉ោង៣ជិតភ្លឺឈាន ចូលថ្ងៃទី១០ខែមីនា ទេីបឈប់ ហើយបាននាំនារីរងគ្រោះ ដឹកតាមម៉ូតូ ទៅអូរត្រេះចាស់ ពេលនោះបានចូលទៅកាន់រោងមួយដែលគ្មានមនុស្សនៅ ហេីយនាំគ្នាចាប់រំលោភ ម្នាក់ម្តងៗរហូតដល់នាងស្រែកយំខ្លាំងៗ ហៅ គេជួយ ពេលនោះពួកឃាតករបានយកកន្សែងពោះគោរឹតក និង យកកាំបិតចាក់បន្ថែមទៀត រហូតដល់ស្លាប់ ហើយបានយកសពដឹកទៅទំលាក់ចោលនៅក្នុងព្រៃ ជិតស្លាកបារីអាឡាំងឌឺឡុង។
តាមចម្លើយសារភាពរបស់ពួកឧក្រឹដ្ឋជន យប់នោះបុរសឈ្មោះទៀង ខ្លុញ អតីតជាប្តី(មិនបានរៀបការ)ជនរងគ្រោះ នៅអង្គុយមើលឲ្យមិត្តភក្តិទាំង៤នាក់ រំលោភជនរងគ្រោះ នៅនឹងមុខតែម្តង ខ្លួនគេមិនបានរំលោភទេ៕
