កំពង់ស្ពឺ ៖ រថយន្តដឹកឈើប្រណិតមួយគ្រឿង ត្រូវបានសមត្ថចំរុះ រដ្ឋបាលព្រៃប្រចាំខេត្តកំពង់ស្ពឺ បង្ក្រាបបានកាលពីវេលាម៉ោងប្រមាណជាង១០ព្រឹក ថ្ងៃទី១១ ខែមិថុនា ឆ្នាំ២០១៤ ត្រង់ចំណុចលើទំនប់ក្រាំងចេក ឃុំក្រាំងចេក ស្រុកឧដុង្គ ខេត្តកំពង់ស្ពឺ ។
សមត្ថកិច្ចមេព្រៃបានប្រាប់ឱ្យដឹងថា រថយន្តដឹកឈើដែលត្រូវចាប់បានខាងលើម៉ាកសាំយ៉ុង ពណ៌ទឹកប៊ិច ស្លាកលេខស្វាយរៀង 2A.0207 ឃាត់ខ្លួនបានអ្នកបើកបរ និងព្រូឡាន ប៉ុន្តែពួកគេព្រមប្រាប់ឈ្មោះឡើយ ហើយថៅកែក៍វាប្រាប់ឱ្យស្គាល់ដែរ ។
ប្រភពបន្តថា ការបង្ក្រាបមានការសហការរវាង សង្កាត់រដ្ឋាលព្រៃឈើឧដុង្គ ផ្នែកកំពង់ស្ពឺ ខណ្ឌ និងអធិការដ្ឋានខាងត្បូងបឹងទន្លេសាប ។ ប្រភពបន្តថាឈើនៅក្នុងរថយន្តជាប្រភេទឈើប្រណិត នាងនួនចំនួនមានមុខកាត់ចាប់០,២០ទៅ០,៤០ម៉ែត ប្រវែង២ម៉ែតប្រហែលជិតមួយម៉ែតគូប ដឹកជញ្ជូនចេញពីចំណុចអូត្រាវ ក្នុងតំបន់ការពារដែនជំរកសត្វព្រៃភ្នំឱរ៉ាល់ ខេត្តពោធិសាត់ ឆ្លងកាត់ស្រុកឱរ៉ាល់ ខេត្តកំពង់ស្ពឺចូលទៅភ្នំពេញប៉ុន្តែដោយតែសមត្ថកិច្ចមានការសង្ស័យឃាត់ដើម្បីត្រូតពិនិត្យ ប៉ុន្តែអ្នកបើកបរអត់ឈប់បានព្យាមបើករត់គេ ទើបកំលាំងចំរុះឡើងស្ទាក់ចាប់បានតែម្តង ។
ប្រភពបន្តថា ក្រោយពីបង្ក្រាបបានសមមត្ថកិច្ច បាននាំយកមករក្សាទុក នៅផ្នែករដ្ឋបាលលព្រៃឈើ កំពង់ស្ពឺ ដើម្បីសាកសួរតៃកុងរថយន្ត និងព្រួរ ស្វែកថៅកែឈើក៍សាងសំណុំរឿងតាមនិតិវិធីច្បាប់ ។ សូមរំលឹកថា បច្ចុប្បន្នឈើប្រណិត ប្រភេទធ្នុង នាងនួនកំពុងមានហាងឆេងខ្ពស់ដូចមាន ក្នុងមួយម៉ែតរាប់ពាន់ដុល្លា ដូច្នេះហើយទើបក្រុមឈ្មួញរកស៊ីធំ បានប្រើគ្រប់រូបភាព ដើម្បីធ្វើការដឹងជញ្ជូនឈើទាំងនោះ ចេញពីក្នុងព្រៃយកទៅលក់នៅភ្នំពេញ ។
ចំពោះឈើទាំងនោះ ត្រូវបានកាប់ក្នងតំបន់អភិរក្សសត្វព្រៃភ្នំឱរាល់ ស្រុកភ្នំក្រវ៉ាញ ខេត្តពោធិសាត់ ដោយឆ្លងកាត់ភ្នំជាច្រើនតាមច្រកអូរតាវ ព្រំប្រទល់ឃុំត្រពាំងជោរ ស្រុកឱរ៉ាល់ ដោយមានការឃុបឃិតជាមួយមន្ត្រីបរិស្ថាន ខេត្តពោធិសាត់ និងកំពង់ស្ពឺ ។ សូមបញ្ជាក់ថាព្រៃក្នុងខេត្តកំពង់ស្ពឺ រងការកាប់បំផ្លិចបំផ្លាញឈានដល់ការវិនាសទាំងស្រុង ព្រោះតែគ្មានការទប់ស្កាត់ ៕
