កំពង់ចាម៖ អភិបាល នៃគណៈអភិបាលខេត្តកំពង់ចាម ឯកឧត្តម គួច ចំរើន អមដំណើរដោយប្រធានមន្ទីរពាក់ព័ន្ធ និងមន្ត្រីក្រោមឱវាទ បានចុះសួរសុខទុក្ខដល់អ្នកជម្ងឺ ដែលកំពុងសម្រាកព្យាបាល នៅមន្ទីរពេទ្យខេត្តកំពង់ចាម កាលពីព្រឹកថ្ងៃទី១៣ ខែកក្កដា ឆ្នាំ២០១៧។
នាឱកាសនោះដែរ ឯកឧត្តម គួច ចំរើន អភិបាល ខេត្តកំពង់ចាម បានអញ្ជើញសាកសួរសុខទុក្ខភរិយាលោក មាស សាប៊ន បុគ្គលិកស្ថានីយ៍ទូរទស្សន៍ប៉ុស្តិ៍បាយន័ ដែលភរិយារបស់លោក ត្រូវវះកាត់សម្រាលបានកូនប្រុសម្នាក់ នៅមន្ទីពេទ្យខេត្តកំពង់ចាម។
ក្នុងនោះឯកឧត្តមអភិបាល បានជួយឧបត្ថម្ភនូវថវិកាចំនួន២០០ដុល្លារសហរដ្ឋអាមេរិក ដល់លោក មាស សាប៊ន ដើម្បីសម្រាលបន្ទុកក្នុងគ្រួសារ ចំណែក រាល់ការចំណាយថ្លៃព្យាបាល ឯកឧត្តមអភិបាលបានសម្រួល ខាងមន្ទីពេទ្យ ដោយអនុញ្ញតិ្តឲ្យសម្រាកព្យាបាល មិនគិតថ្លៃរហូតដល់ថ្ងៃចេញពីមន្ទីពេទ្យផងដែរ។
ក្រៅពីការចុះសាកសួរសុខទុក្ខភរិយាលោក មាស សាប៊ន ឯកឧត្តមអភិបាល ក៏បានអញ្ជើញសាកសួរសុខទុក្ខ អ្នកជម្ងឺផ្សេងៗទៀត ដែលកំពុងសម្រាកព្យាបាល នៅក្នុងមន្ទីពេទ្យខេត្ត និងបានឧបត្ថម្ភនូវថវិកាក្នុងម្នាក់ៗចំនួន៥មឺុនរៀលផងដែរ ៕
