យុវជនខ្មែរដែលរថយន្តជនជាតិចិនស្រវឹងស្រាបើកបុកកាលពីយប់មិញនេះស្លប់ហើយចំណែកជនជាតិចិនដែលបង្ករនោះបច្ចុប្បន្នកំពុងកសាងសំណុំរឿងចាត់ការតាមច្បាប់។
ហេតុការណ៏គ្រោះថ្នាក់នេះបានកើតឡើងនៅវេលាម៉ោង២៣និង៣០នាទីយប់ថ្ងៃទី១៣កក្កដាឆ្នាំ២០១៧នៅចំនុចក្បែររង្វង់មូលតោពីរ សង្កាត់លេខ៤ ក្រុងព្រះសីហនុ។
ជុំវិញករណីនេះ បើយោងតាមប្រភពពីសមត្ថកិច្ចចរាចរណ៏អោយដឹងថានៅវេលាម៉ោងកើតហេតុខាងលើមានករណីគ្រោះថ្នាក់ចរាចរណ៏មួយកើតឡើង បង្ករដោយ រថយន្តម៉ាក ឡិចស៊ីស ពណ៏ខ្មៅ បាក់ស្លាកលេខភ្នំពេញ 2R 2600 បើកបរដោយបុរស ជនជាតិចិនឈ្មោះ CHANG WEN YUANភេទ ប្រុស អាយុ ៥២ឆ្នាំ មានទីនៅរាជធានីភ្នំពេញ រួមដំណើរជាមួយស្ត្រីអ្នកបកប្រែម្នាក់ ឈ្មោះ ដៀន ស្រី នាង អាយុ២១ ឆ្នាំមានទីលំនៅខេត្តកណ្តាល។
បានបើកទៅបុកជាមួយម៉ូតូមួយគ្រឿង ម៉ាក ហ្សូម័រអ៊ិច ពណ៏ខ្មៅ បើកបរដោយ យុវជនម្នាក់ឈ្មោះណាប ហៀន ភេទ ប្រុសអាយុ ២៤ឆ្នាំមានទីលំនៅសង្កាត់លេខ០១ក្រុងព្រះសីហនុ រងរបួសធ្ងន់ក្រោយមកក៍បានស្លាប់នៅពេលយកទៅសង្គ្រោះបន្ទាន់មន្ទីរពេទ្យ។
ប្រភពសមត្ថកិច្ចដ៏ដែលបានបន្តថា រថយន្តជនបង្ករ ក្រោយពីបានបង្ករគ្រោះថ្នាក់ចរាចរណ៏ រួចមក ពុំបានឈប់ដោះស្រាយតាមផ្លូវច្បាប់នោះទេ គឺបានព្យាយាមបើកគេច បើទោះបីជាសមត្ថកិច្ចព្យាយាមតាមឃាត់យ៉ាងណាក្តី រហូត បានចម្ងាយជិត២០គីឡូម៉ែត្រ ទើបសមត្ថកិច្ចឃាត់បានបញ្ជូនមកកាន់ការិយាល័យចរាចរណ៏ខេត្តព្រះសីហនុដើម្បីចាត់ការតាមនីតិវិធី។
គួររំលឹកថាខេត្តព្រះសីហនុបច្ចុប្បន្ននេះមានករណីជនជាតិចិនបើករថយន្តព្រហើនហើយបង្ករគ្រោះថ្នាកជាច្រើនករណី។បញ្ហានេះបានធ្វើអោយពលរដ្ឋមានការភ័យខ្លាចនិងមិនពេញចិត្តជាខ្លាំង។
អ្នកក្រុងព្រះសីហនុសំណូមពរអោយសមត្ថកិច្ចខេត្តព្រះសីហនុមេត្តាពិនិត្យមើលការបើកបររបស់ជនចិនទាំងនេះផងនិងពួកគាត់លើកជាមតិថាគួរតែអោយខ្មែរយើងជាអ្នកបើកអោយចិនវិញល្អជាង៕
