ចិន ៖ នៅព្រឹកថ្ងៃទី១១ ខែមិថុនា ឆ្នាំ២០១៤ មានករណីផ្ទុះអណ្ដូងរ៉ែមួយកើតឡើង នៅតំបន់ភាគនិរតីនៃប្រទេសចិន បណ្ដាលឱ្យកម្មករយ៉ាងតិច១០នាក់បាត់ បង់ជីវិត ។ មន្ដ្រីនៅក្នុងតំបន់បានឱ្យដឹងថា នៅ ពេលមានហេតុការណ៍ផ្ទុះអណ្ដូងរ៉ែកើត ឡើងមានកម្មកររហូតដល់១៣០នាក់ កំពុងធ្វើការនៅទីនោះ ។ ជាភព្វសំណាង កម្មករ១២០នាក់បានរត់ចេញទាន់ពេល វេលា ។
នៅវេលាម៉ោង៥និង២០នាទីព្រឹក ក្រុមជួយសង្គ្រោះបានទាញ់សាកសព កម្មករ១០នាក់ចេញពីអណ្ដូងរ៉ែ ។ នៅក្នុងប្រទេសចិន ករណីផ្ទុះអណ្ដូង រ៉ែកើតឡើងជាញឹកញាប់សម្លាប់មនុស្ស រាប់ពាន់នាក់ក្នុងមួយឆ្នាំៗ ។ មូលហេតុ បណ្ដាលឱ្យគ្រោះថ្នាក់កើតឡើងច្រើន ដោយសារតែអណ្ដូងរ៉ែភាគច្រើនមាន សភាពចាស់ទ្រុឌទ្រោម និងគ្មានការ ធានាសុវត្ថិភាពត្រឹមត្រូវដល់កម្មករ។ មួយវិញទៀត ម្ចាស់អណ្ដូងរ៉ែលួចលាក់ ធ្វើអាជីវកម្ម មិនផ្ដល់ព័ត៌មានដល់មន្ដ្រី គ្រប់គ្រងក្នុងតំបន់ ក៏ជាហេតុធ្វើឱ្យគ្រោះ ថ្នាក់កើនឡើងខ្ពស់ ។
