ដើម្បីពង្រឹងសមត្ថភាពការពារតាម បណ្ដោយព្រំដែនជាប់ប្រទេសចិន រដ្ឋាភិ បាលថ្មីរបស់ឥណ្ឌាបានឡើងគម្រោង បង្កើតជំរុំការពារតាមបណ្ដោយព្រំដែន ស្ថិតនៅក្នុងរដ្ឋ អារ៉ូណាចាប្រាដែស ។ សារព័ត៌មានឥណ្ឌាបានផ្សព្វផ្សាយថា ជំរុំការពារព្រំដែននឹងត្រូវបង្កើតឡើង ៥២ទីតាំងសម្រាប់ប៉ូលិសការពារសន្ដិ សុខឱ្យបានតឹងតែងបំផុតក៏ដូចជាទប់ ទល់ការហូរចូលរបស់ចិន ។ ជាមួយនឹង ជំរុំទាំងនោះនឹងជួយធានាផ្ដល់ទីតាំងដល់ ឆ្មាំព្រំដែនឥណ្ឌាការពារបណ្ដោយព្រំដែន ប្រវែង១១២៦គីឡូម៉ែត្រជាប់ ប្រទេសចិន។ ជំរុំទាំងនោះមានទំហំធំគ្រប់គ្រាន់ អាចជួយឱ្យកម្លាំងទាហានឈរជើងស្នាក់ នៅទីនោះបណ្ដោះអាសន្នពេលមាន ហេតុការណ៍អាក្រក់កើតឡើង ។
ជំរុំទាំង នោះនឹងបំពាក់សព្វាវុធទំនើបៗ ក៏ដូច ជាធានាស្បៀងអាហារគ្រប់គ្រាន់ដល់ ទាហានប្រចាំការ ។ លើសពីនេះទៅ ទៀត ជំរុំការពារនឹងត្រូវបំពាក់ប្រព័ន្ធ ទំនាក់ទំនងតាមផ្កាយរណបងាយស្រួង ក្នុងការផ្ដល់ព័ត៌មានមកទីបញ្ជាការទាន់ ពេលវេលា ពេលមានហេតុការណ៍ អាក្រក់ណាមួយកើតឡើង ។
រដ្ឋាភិបាលទីក្រុងប៉េកាំងមិនសូវ សប្បាយចិត្ដនោះឡើយ នៅពេលដែល នាយករដ្ឋមន្ដ្រីថ្មីរបស់ឥណ្ឌាឡើងកាន់ តំណែងដឹកនាំដោយមានគោលនយោ បាយម៉ឺងម៉ាត់ជាមួយចិន ដោយងាកទៅ រកលោកខាងលិច មានអាមេរិកជាដើម។
