អួង វឹង
ខេត្តកំពត៖ សមត្ថកិច្ចមិនបង្ក្រាបប្រជាពលរដ្ឋនៅ ស្រុកកំពង់ត្រាច ខេត្តកំពត បាន អំពាវនាវ ឲ្យស្នងការនគរបាលខេត្តកំពត លោក ម៉ៅ ច័ន្ទមធុរិទ្ធ ចាត់វិធាន ការ
បង្ក្រាបល្បែងស៊ីសងក្នុងមូលដ្ឋានរបស់ពួកគាត់ផង។ ប្រជាពលរដ្ឋបានឲ្យដឹងទៀតថា នៅក្នុងមូលដ្ឋាន របស់ពួកគាត់មាន ល្បែងស៊ីសង ជាច្រើន ប្រភេទដូចជា បញ្ជល់មាន់ បៀអាប៉ោង និងយូគីជាដើម ត្រូវបានគេបើក លេងយ៉ាង ពេញបន្ទុក ហើយ មន្ត្រីអាជ្ញាធរឃុំ នគរបាលប៉ុស្ដិ៍ រដ្ឋបាល ក៏ដូចជាអធិការ នគរបាលស្រុក កំពង់ត្រាច មិនចាត់វិធានការទប់ស្កាត់បទល្មើសឡើយ។ ប្រការនេះកំពុង នាំឲ្យកើតមានបទ ល្មើសផ្សេងៗ គួរឲ្យព្រួយ បារម្ភដូចជា អំ ពើចោរកម្ម អំពើហិង្សាក្នុងគ្រួសារ ព្រោះពលរដ្ឋខ្លះចាញ់អស់លុយកាក់ទ្រព្យសម្បត្តិ ដីធ្លីផ្ទះសម្បែង ដោយសារតែល្បែងស៊ីសងនៅក្នុងស្រុកំពង់ត្រាច។
សេចក្ដីរាយការណ៍ពីប្រជាពលរដ្ឋនៅជុំវិញផ្សារ កំពង់ត្រាច បានឲ្យដឹងថា មួយរយៈពេលកន្លងទៅនេះសង្វៀនបញ្ជល់មាន់មួយកន្លែងត្រូវបានគេបើកលេងយ៉ាងពេញបន្ទុក ហើយមិនទាន់ឃើញមន្ត្រីអាជ្ញាធរ និង សមត្ថកិច្ចណា ចាត់វិធាន ការទប់ស្កាត់ទេ។ ប្រភពបានឲ្យដឹងទៀតថា នៅទីតាំងសង្វៀនបញ្ជល់មាន់នោះមានបង្កប់ល្បែងអាប៉ោង និងកន្ទុយលេខ យ៉ាងអនាធិបតេយ្យហើយមន្ត្រីអាជ្ញាធរមូលដ្ឋាន និងសមត្ថកិច្ចក្នុងមូលដ្ឋានទំនងជាទទួលបានផលប្រយោជន៍ ទើបមិនចាត់វិធានការបង្ក្រាបល្បែងស៊ីសងដើម្បីឲ្យស្របតាមគោលនយោបាយភូមិ-ឃុំមានសុវត្ថិភាពទាំង៩ចំណុច។ ប្រជាពលរដ្ឋសម្ដែងសេចក្ដីព្រួយបារម្ភយ៉ាងខ្លាំងក្រោយពេលល្បែងស៊ីសងត្រូវបានគេបង្កើតឡើងក្នុងមូលដ្ឋានរបស់ពួកគាត់ ព្រោះមួយរយៈកន្លងទៅនេះអំពើចោរកម្មបានកើតឡើងជាបន្តបន្ទាប់។ ប្រជាពលរដ្ឋ ក្នុង ស្រុក កំពង់ត្រាច បានអំ ពាវនាវ ឲ្យលោក ម៉ៅ ច័ន្ទមធុរិទ្ធ ស្នងការ នគរបាលខេត្តកំពត ក៏ដូចជា ឯកឩត្តម ចាន់ ចេស្ដា អភិបាល ខេត្តកំពត ចាត់វិធានការ បង្ក្រាប ល្បែងស៊ីសង ក្នុងមូលដ្ឋាន ពួកគាត់ផង ដើម្បី ពង្រឹង សន្តិសុខ សង្គម។ ប្រភពបានឲ្យដឹងទៀតថា ម្ចាស់ទី បេីល្បែងស៊ីសង មេកន្ទុយលេខ ទី ១.ឈ្មោះ ពូ ហ៑ ហៅឪ អាយោងទី២. លោកគ្រូ ងន លី
ទី៣.ម៉ែ អា ញ្ញា នៅពីខាងជេីង រោងការហ្វេ លោកពូ ហ៑
ទី៤.ពូ ប្រុស ថ្នាល់ បែក ជាច្រើនប្រភេទនោះ មានអ្នកកាង ហើយទេីប មន្ត្រីអាជ្ញាធរនិងសមត្ថកិច្ចក្នុងមូលដ្ឋានមិនហ៊ានប៉ះពាល់ក្រុមអ្នកបើកល្បែងស៊ីសងខុសច្បាប់ទាំងនេះទេ ព្រោះខ្លាចបាត់បង់ផលប្រយោជន៍។ ដូច្នេះមានតែលោក ម៉ៅ ច័ន្ទមធុរិទ្ធ ស្នងការនគរបាលខេត្ត និងឯកឩត្តម ចាន់ ចេស្ដា អភិបាលខេត្តកំពត ប៉ុណ្ណោះដែលអាចបង្ក្រាបល្បែងស៊ីសងក្នុង ស្រុកកំពង់ត្រាច ប្រកបដោយប្រសិទ្ធភាពដើម្បីកុំឲ្យប្រជាពលរដ្ឋព្រួយបារម្ភពីបញ្ហាអសន្តិសុខសង្គមតទៅទៀត៕
