មានករណីប៉ះទង្គិចគ្នារវាងទាហាន ណាតូ នឹងក្រុមតាលីបង់ ដោយណាតូ បានប្រើប្រាស់យន្ដហោះចម្បាំងវាយ ប្រហារតាមដែនអាកាសទៅលើក្រុម ឧទ្ទាម តែជាអកុសល យន្ដហោះចម្បាំង វាយច្រឡំចំជំរុំរបស់ខ្លួននៅអាហ្វហ្គានី ស្ថានបណ្ដាលឱ្យទាហានអាមេរិក៥នាក់ បាត់បង់ជីវិត ។ សារព័ត៌មានAFP បានដកស្រង់ សម្ដីអ្នកនាំពាក្យកម្លាំងទាហានអាហ្វហ្គា នីស្ថានបញ្ជាក់ថា មានទាហានអាមេរិក និងទាហានអាហ្វហ្គានីស្ថានបាត់បង់ជីវិត ក្នុងការប៉ះទង្គិចគ្នានៅខេត្ដសាប៊ូលជា មួយក្រុមតាលីបង់ ។
ពេលនោះយន្ដ ហោះចម្បាំងរបស់ណាតូត្រូវបានហៅឱ្យ ជំនួយជាបន្ទាន់ វាយប្រហារទៅលើក្រុម តាលីបង់ពីខាងលើ តែអកសុលយន្ដហោះ ចម្បាំងនោះក៏វាយខុសគោលដៅ ចំគ្នា ឯងសម្លាប់ទាហានអាមេរិក៥នាក់ ។ ករណីបាញ់ច្រឡំដូចគ្នានេះដែរក៏បានកើត ឡើងកាលពីខែមីនាម្ដងរួចមកហើយ ដោយន្ដហោះណាតូបាញ់ច្រឡំចំជំរុំ ទាហានអាហ្វហ្គានីស្ថានស្លាប់៥នាក់ ផងដែរ ។
អាហ្វហ្គានីស្ថានកំពុងតែត្រៀម លក្ខណៈសម្រាប់ការបោះឆ្នោតប្រធានា ធិបតី ហើយក្រុមតាលីបង់បានគំរាម កំហែងបំផ្លាញការបោះឆ្នោតនោះ ។ យុទ្ធ នាការបង្ក្រាបក្រុមតាលីបង់ដែលមាន ទាហានអាមេរិក និងទាហានអាហ្វហ្គានី ស្ថានរួមគ្នាត្រូវបានអនុវត្ដនៅទូទាំង ប្រទេស ។
គួរបញ្ជាក់ផងដែរថា ទាហានអាមេរិក និងណាតូនឹងដកចេញពីអាហ្វហ្គានីស្ថាន នៅឆ្នាំ២០១៤ បញ្ចប់សង្គ្រាមនៅទីនោះ។ ប៉ុន្ដែអាមេរិកនៅតែរក្សាទាហានមួយ ចំនួនតាមកិច្ចព្រមព្រៀងដើម្បីហ្វឹកហ្វឺន ដល់កម្លាំងទាហានអាហ្វហ្គានីស្ថានដែល មានភាពទន់ខ្សោយទប់ទល់ជាមួយក្រុម ភេរវករ
