ព្រះសីហនុ:លោកវរសេនីយ៍ទោភុល ភស្តា អធិការនគរបាលក្រុងព្រះសីហនុបានឲ្យដឹងថា៖ នៅយប់ ថ្ងៃទី ៣ ខែសីហា ឆ្នាំ២០១៧ វេលាម៉ោង
២១,០០នាទី កម្មករនេសាទមួយក្រុម បានជុំគ្នាផឹកស៊ីនៅលេីទូក ព្រោះមិនបានចេញទៅនេសាទ ពេលស្រវឹងបានឈ្លោះប្រកែកគ្នា រហូតឈានដល់ប្រេីអំពេីហិង្សា កម្មករ ៣នាក់ ព្រួតវាយ ម្នាក់រងរបួសធ្ងន់ដល់ស្លាប់ ហេីយរុញទំលាក់ទឹក នៅចំណុចផែទំនប់រលកចាស់ ក្រុមទី២៣ ភូមិ៣ សង្កាត់លេខ១ ក្រុងព្រះសីហនុ។
លោកអធិការក្រុងបានបញ្ជាក់ថា ក្រោយពេលទទួលបានដំណឹងនេះភ្លាម នគរបាលមូលដ្ឋាន និងកម្លាំងរៀបរយ អន្តរាគមន៍ពិសេសរបស់ស្នងការដ្ឋាននគរបាលខេត្ត បានចេញធ្វេីអន្តរាគមន៍ភ្លាមៗ ហេីយព័ទ្ធចាប់បានជនសង្ស័យចំនួន៣នាក់ នៅកន្លែងកើតហេតុ៖
១,ឈ្មោះ ហម គា ភេទប្រុស អាយុ២៥ឆ្នាំ មុខរបរកម្មករទូកនេសាទ ស្នាក់នៅតាមទូក ។
២,ឈ្មោះ អ៊ុន ឌែល ភេទប្រុស អាយុ៤៨ឆ្នាំ មុខរបរកម្មករទូកនេសាទ ស្នាក់នៅតាមទូកនេសាទ ។
៣,ឈ្មោះ កើត សង្ហា ភេទប្រសុ អាយុ៤២ឆ្នាំ មុខរបរកម្មករសេរី បច្ចុប្បន្នស្នាក់នៅភូមិ៣ទំនប់រលក សង្កាត់លេខ១ ក្រុង-ខេត្តព្រះសីហនុ ។
ពេលនោះសមត្ថកិច្ចបានចុះរាវរក ជនរងគ្រោះក្នុងទឹកតែជនរងគ្រោះបានស្លាប់ទៅហើយ ឈ្មោះ សំ អាន ភេទប្រុស អាយុ២៨ឆ្នាំ មុខរបរកម្មករទូកនេសាទ បច្ចុប្បន្ននៅភូមិ-ឃំុទំបន់រលក ស្រុកស្ទឹងហាវ ខេត្តព្រះសីហនុុ។
មូលហេតុ ផឹកស្រា ទាស់ពាក្យសំដីគ្នា ឈានដល់កើតអំពើហិង្សាតែម្តង ។
