បន្ទាយមានជ័យៈ មិនត្រឹមតែច្រកទ្វាអន្តរជាតិប៉ោយប៉ែតនោះទេដែលថៃចាប់បញ្ជូនពលករខ្មែរខុសច្បាប់ត្រលប់មកវិញសូម្បីតែនៅតាមច្រករបៀងនានាក្នុងបន្ទាត់ព្រំដែនខេត្តបន្ទាយមានជ័យ មានចំនួនកើនទ្វេរដង ។ ដោយគិតត្រឹមពីព្រឹកដល់យប់ជ្រៅថ្ងៃទី១១ មិថុនា ២០១៤ អាជ្ញាធរថៃបានចាប់បញ្ជូនពលករខ្មែរមានចំនួនកើនឡើងដល់ ៧៦៨៦នាក់ តាមរយៈរថយន្តតូចធំ១៣១គ្រឿង ។
ចំនួននេះបើប្រៀបធៀបទៅនិងប៉ុន្មានថ្ងៃមុនគឺមានការកើនឡើងស្ទឺរតែ១០០% ។ តាមព័ត៏មានពី លោក អេង ម៉េងអំ នាយផ្នែកការិយាល័យប្រឆាំងការជួញដូរនិងការពារអនីតិជននៃស្នងការនគរបាលខេត្តបន្ទាយមានជ័យដែលប្រចាំការនៅប៉ុស្តិ៍នគរបាលច្រកទ្វារអន្តរជាតិក្រុងប៉ោយប៉ែតបានអោយដឹងថា ចាប់ពីព្រឹករហូតដល់ម៉ោងជាង១០យប់ថ្ងៃទី១១ មិថុនា ២០១៤ តំរួតថៃបានដឹកជញ្ជូនពលករខ្មែរដែលទៅធ្វើការនៅប្រទេសថៃដោយខុសច្បប់តាមច្រកទ្វារអន្តរជាតិប៉ោយប៉ែតមានចំនួន ៧៦៨៦នាក់ ក្នុងនោះស្រី៣២១៥នាក់ កុមា៥៦៩នាក់ ។
ពលករទាំងនេះភាគច្រើនបញ្ជូនមកយ៉ាងគំហុកនៅពេលយប់ទោះបីជាដល់ពេលដែលច្រកទ្វារអន្តរជាតិប៉ោយប៉ែតបិទទ្វារធំយ៉ាងណាក៏ដោយក៏នៅតែថៃអោយចុះដើរចូលមកកម្ពុជា ។ ដោយឡែកបើតាមព័ត៏មានពីសមត្ថកិច្ចនៅតាមបន្ទាត់ព្រំដែនកម្ពុជា-ថៃក្នុងភូមិសាស្ត្រខេត្តបន្ទាយមានជ័យបានអោយដឹងថា ក្រៅពីច្រកអន្តរជាតិប៉ោយប៉ែតវ្រកតំបន់បឹងត្រកួនដែល
ស្ថិតនៅក្នុងភូមិសាស្ត្រស្រុកថ្មពួកក៏ត្រូវបានអាជ្ញាធរថៃបញ្ជូនមកវិញដែរដោយកាលពីថ្ងៃទី១១ មិថុនា ២០១៤មានចំនួន៥៦នាក់ចំនែកច្រកតំបន់ម៉ាឡៃមាន២០នាក់ ក្រៅពីនោះនៅមានច្រករបៀងជាច្រើនទៀតដូចជា ច្រកតំបន់១ ច្រកចំការគរ ច្រកអូរបីជាន់ ច្រកធ្នង់ ច្រកប្រាសាទត្បែង និងច្រកតាម៉ាំង ដែលច្រកទាំងនេះកន្លងមកក្នុងអំឡុងមុនពេល និងក្នុងពេលរដ្ឋប្រហានៅប្រទេសថៃ ត្រូវបានបិទទាំងស្រុង ។
ចំនួនពលករខ្មែរដែលត្រលប់មកវិញតាមច្រកនេះពុំមានតួរលេខពិតប្រាកដ់ឡើយ ។ លោក ង៉ោ ម៉ែងជ្រួន អភិបាលក្រុងប៉ោយប៉ែតបានអោយដឹងថា ពលករដែលថៃចាប់បញ្ជូនមកវិញត្រូវបានយកចិត្តទុកដាក់យ៉ាងខ្លាំងពីអាជ្ញាធរខេត្តបន្ទាយមានជ័យ និងអង្គការជាដៃគូរបានរៀបចំទីកន្លែងសម្រាប់ស្នាក់នៅបណ្តោះអាសន្នឧបត្ថម្ភទឹក និងអាហារ ។
មិនថែមតែប៉ុណ្ណោះនៅថ្ងៃទី១១ ម្សិលមិញនេះមានអង្គការអន្តរជាតិទេស្តរប្រវេសន៍( IOM ) បានជួយឧបត្ថម្ភនូវរថយន្តក្រុង និងរថយន្តតូរីស៣២គ្រឿងដឹកជញ្ជូនពលករខ្មែរទៅតាមខេត្តនានា បានជា១ពាន់នាក់ក្នុងនោះក៏មានការផ្តល់ជាទឹសម្រាប់ពួកគាត់ផងដែរ ហើយនៅថ្ងៃនេះផងដែរក៏មានអង្គការ និងរដ្ឋាភិបាលបានផ្តល់នូវរថយន្តរបស់អគ្គស្នងការជាតិចំនួន៥គ្រឿង និងរថយន្តអង្គភាពនានាដែលសរុបទាំងអស់ជាង១០គ្រឿង ដើម្បីដឹកជញ្ជូនពូកគាត់ទៅបណ្តាខេត្តនានាបន្ទាប់ពីថៃចាប់បញ្ជូនមកដល់កម្ពុជា ៕
