ខេត្តកំពង់ធំ: ត្រីទម្ងន់ប្រមាណទម្ងន់៩០តោនបានស្លាប់ ដោយសារខ្យល់ព្យុះកំណាច១មេ កាល ពីវេលាម៉ោង២និង៣០នាទីរសៀល ថ្ងៃទី១០ ខែ មិថុនា ឆ្នាំ ២០១៤ នៅតំបន់អភិរក្ស ទន្លេឆ្មា ស្ថិតនៅក្នុងឃុំពាមបាង ស្រុកស្ទោង ខេត្តកំពង់ធំ។
ប៉ែន វណ្ណរិទ្ធ នាយខណ្ឌរដ្ឋបាលជលផលកំពង់ធំ បានពន្យល់ថា ដោយទឹកនៅតំបន់ អភិរក្ស ទន្លេឆ្មានេះ រាក់នៅរដូវប្រាំងនិងរហូតមកទល់ពេលនេះ ទឹកមានជម្រៅតែប្រមាណ៤តឹក តែប៉ុណ្ណោះ ដូច្នេះ នៅខណះខ្យល់ព្យុះខ្លាំង ទឹករលក បានបោករុញច្រានដីក្រោមទឹក ឲ្យផុសឡើង និងក្លាយជា កករ ពេញផ្ទៃទន្លេ បណ្ដាលយឲ្យត្រីពុលស្លាប់តែម្ដង។
លោក ប៉ែន វណ្ណរិទ្ធ បានប្រាប់បន្តថា ខ្យល់ព្យុះនេះមានរយះពេលប្រមាណកន្លះម៉ោង ហើយមានភ្លៀងស្រិចៗតែប៉ុណ្ណោះ ចំណែកត្រីដែលពុលស្លាប់នេះ មានត្រីដែលមានតម្លៃដូចជា ត្រីកេះ ត្រីក្រពាត់ ត្រីឆ្លាំង ត្រីសណ្ដាយ ត្រីឆ្ពិន ត្រីច្រកែងនិងត្រីតាហោន។ល។ ក្រៅពីនេះ មានត្រីផ្សេងៗ ទៀត។
លោក ប៉ែន វណ្ណរិទ្ធ បានបន្តថា គ្រោះថ្នាក់ធម្មជាតិ ដែលបង្ករឲ្យត្រីនៅតំបន់អភិរក្សទន្លេឆ្មា នេះស្លាប់ មិនមែនទើបតែមាននៅឆ្មាំនេះទេ គឺកើតមានស្ទើរជារៀងរាល់ឆ្នាំ ប៉ុន្តែមិនធំដុំ ដូចនៅឆ្នាំ នេះទេ តួយ៉ាងនៅឆ្នាំ២០១៣ ស្លាប់៤៦តោន ដោយអាកាសធាតុក្ដៅខ្លាំង។
លោក ប៉ែន វណ្ណរិទ្ធ បានបញ្ចាក់ថា ហេតុការណ៍នេះ លោកបានរាយការណ៏ ទៅនាយក ដ្ឋាននិងក្រសួងកសិកម្មរូចហើយនិងចំណាត់ការឲ្យមន្ត្រីក្រោមឪវាទ នៅទីនោះ ឃ្លាំមើលបន្តថាតើ ត្រីនៅបន្តស្លាប់ឬក៏ឈប់ហើយ ចំពោះត្រីដែលស្លាប់គឺប្រជាពលរដ្ឋនាំគ្នារើសយកទៅ ធ្វើជាចំណី អាហារ៕ 
