ខេត្តព្រះសីហនុ៖ម៉ូតូពីរគ្រឿង បុកគ្នាពេញទំហឹងតាមបណ្តោយផ្លូវជាតិលេខ៤ចំណុចភូមិវាលមាសឃុំវាលរេញស្រុកព្រៃនប់ បណ្តាលឲ្យមនុស្សម្នាក់ស្លាប់នៅនឹងកន្លែង និង២នាក់រងរបួស។
មានសេចក្តីរាយការណ៍ ពីស្រុកព្រៃនប់ បានឲ្យដឹងថា នៅថ្ងៃទី១១ ខែសីហា ឆ្នាំ២០១៧ វេលាម៉ោង១០:៣០នាទី ចន្លោះគីឡូម៉ែត្រ ១៨០-១៨១ ត្រង់ចំណុច មុខតំបន់ សឹករង ស្រុកព្រៃនប់ ភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាង ម៉ូតូ និង ម៉ូតូ ដែលមានទិសដៅបញ្រ្ចាស់គ្នា បត់ឆ្វេងឆ្លងកាត់ផ្លូវ ក៏បានបុកគ្នាតែម្ដង។
អ្នករងរបួសមធ្យមមនុស្សចំនួន ២នាក់បានបញ្ជូនទៅសង្គ្រោះនៅគ្លីនិកវាលរេញ ។
រីឯម៉ូតូទាំងពីរគ្រឿង បានយកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីដោះស្រាយបន្ត។police
