ផតឡេនដ៍ៈ តាមប្រភពព័ត៌មានរ៉យទ័រ ផ្សាយថា នៅទីក្រុងផតឡេនដ៍ រដ្ឋអូរ៉េហ្គុន សហរដ្ឋអាមេរិក (Portland, Oregon on Saturday night) មនុស្សអាក្រាតកាយជាច្រើនពាន់នាក់បានប្រមូលផ្តុំគ្នាស្រាតជិះកង់នៅលើដងផ្លូវកាលពីរាត្រីថ្ងៃសៅរ៍ នៅក្នុងការចូលរួមទិវាជិះកង់ស្រាតអន្តរជាតិលើកទី១១ (the 11th annual World Naked Bike Ride) ដើម្បីសម្តែងការប្រឆាំងតវ៉ាការប្រើយានយន្តបញ្ចេញផ្សែងបំពុលបរិស្ថាន ។
ពិធីដ៏ចម្លែកប្លែកអារម្មណ៍នេះ មានអ្នកចូលរួមមកពី៧៥ទីក្រុង ក្នុងសហរដ្ឋអាមេរិក និងមកពីជាង២០ប្រទេសនៅលើពិភពលោក ។ បើតាមការកត់សម្គាល់ពីអ្នករៀបចំឃើញថា សកម្មភាព សមាសភាពចូលរួមលើកនេះ “ទិវាស្រាតជិះកង់អន្តរជាតិលើកទី១១” មានអ្នកចូលរួមច្រើនជាងឆ្នាំ មុនៗ ខណៈកាលពីឆ្នាំកន្លងទៅមានអ្នកចូលរួម តែជាង៨០០០នាក់ប៉ុណ្ណោះ។
ប៉ូលិសក្នុងស្រុកបានឱ្យដឹងថា មានមនុស្សមួយចំនួនមិនចូលចិត្តពិធីនេះទេ បញ្ហាចរាចរណ៍ក៏មានតិចតួចដែរ សម្រាប់ការរៀបចំនៅផតឡេនដ៍នេះ។ សូមបញ្ជាក់ថា នៅក្នុងអំទ្បុងខែមិថុនា ជារៀងរាល់ឆ្នាំ សកម្មជនបរិស្ថាននៅបណ្តាប្រទេសមួយចំនួនបានរៀបចំទិវា និងសកម្មភាពបែបនេះផងដែរ ដូចជា ប្រទេសហូទ្បង់ អេស្ប៉ាញ ម៉ិកស៊ិក អាមេរិក និងអង់គ្លេស ជាដើម។ សូមតាមដានសកម្មភាពនៃមនុស្សអាក្រាតកាយ ជិះកង់ដើម្បីបរិស្ថានក្នុងទិវាស្រាតអន្តរជាតិនៅអាមេរិកលើកនេះម្តងមើល៕
