នៅព្រឹកព្រលឹមថ្ងៃព្រហស្បតិ៍ អាមេ រិកបានបើកការវាយប្រហារតាមយន្ដ ហោះគ្មានមនុស្សបើកបរទៅកាន់ជំរំ លាក់ខ្លួនរបស់ក្រុមឧទ្ទាមស្ថិតនៅភាគ ពាយព្យប៉ាគីស្ថានបណ្ដាលឱ្យបាត់បង់ ជីវិត១០នាក់ ក្រោយពីការប៉ះប្រយុទ្ធគ្នា នៅអាកាសយានដ្ឋានអន្ដរជាតិទីក្រុង ការ៉ាជី រវាងកម្លាំងរដ្ឋាភិបាល នឹងក្រុម ឧទ្ទាមតាលីប៉ុនរំលងបានប៉ុន្មានថ្ងៃ ។ យន្ដហោះគ្មានមនុស្សបើកបរបើក ការវាយប្រហារលើកទី២ បន្ទាប់ពីលើក ទីមួយសម្លាប់ពួកឧទ្ទាមយ៉ាងតិច៦នាក់ ស្ថិតនៅក្នុងស្រុក North Waziristan ដែលនៅទីនោះ ក្រុមឧទ្ទាមកំពុងតែជីក រណ្ដៅកប់សាកសពគ្នីគ្នាគេដែលបាន បាត់បង់ជីវិត និងតាមស្វែងរកអ្នកដែល នៅទទួលរងរបួស ។
មន្ដ្រីសន្ដិសុខក្នុងតំបន់បានប្រាប់ AFP ថា យន្ដហោះគ្មានមនុស្សបើកបរ អាមេរិក៣គ្រឿងបំពាក់មីស៊ីល៦គ្រាប់ បាញ់ប្រហារទៅលើទីតាំងក្រុមឧទ្ទាម ដែលជួបជុំគ្នាជិករណ្ដៅកប់សាកសព ។ មីស៊ីលទាំងនោះបានបាញ់ទៅលើរថយន្ដ ២គ្រឿងនៅកន្លែងនោះ ។ នៅពេលបច្ចុប្បន្ននេះ យន្ដហោះគ្មាន មនុស្សបើកបរអាមេរិកបាននិងកំពុង ហោះហើរលើនៅលើអាកាសនៅឡើយ។ យន្ដហោះគ្មានមនុស្សបើកបរអាមេរិក លើកទីមួយបាញ់មីស៊ីល២គ្រាប់ទៅលើ រថយន្ដមួយគ្រឿង ស្ថិតនៅភូមិ Dargah Mandi តំបន់ Waziristan ខាងជើង ដែលមានចម្ងាយ១០គីឡូម៉ែត្រ ភាគ ខាងលិចទីប្រជុំជន Miranshah ។
ទីប្រជុំ ជន Miranshah ត្រូវចាត់ទុកថាជាទីតាំង គ្រប់គ្រងតឹងរ៉ឹងបំផុតពីសំណាក់បណ្ដាញ Haqqani ដែលក្រុមនេះមានទំនាក់ទំនង ជាមួយបណ្ដាញភេរវកម្មអាល់កៃដា ។ ការវាយប្រហាររបស់អាមេរិិកតាម យន្ដហោះគ្មានមនុស្សបើកបរកើតឡើង បន្ទាប់ពីពួកឧទ្ទាមលីបង់ប៉ាគីស្ថាន និង ចលនាអ៊ិស្លាមជ្រុលនិយម Uzbekistan បាននិយាយថា កម្លាំងរបស់ពួកគេត្រូវ បានដាក់ពង្រាយដើម្បីឱ្យវាយប្រហារទី តាំងអាកាសយានដ្ឋានអន្ដរជាតិទីក្រុង ការ៉ាជីកាលពីដើមសបា្ដហ៍បណ្ដាលឱ្យ បាត់បង់ជីវិត៣៧នាក់
