ខេត្យកំពង់ចាម: យុទ្ធនាការយ៉ាងក្ដៅគគុក របស់សមត្ថកិច្ចអាជ្ញាធរខេត្តកំពង់ចាម ក្នុងការអនុវត្តន៍បង្ក្រាបរាល់បទល្មើសនេសាទគ្រប់ប្រភេទ នារដូវត្រីពងកូន និងស្ថិតក្នុងរដូវបិទការនេសាទ។
ជាក់ស្តែងនាព្រឹកថ្ងៃទី៣០ ខែសីហា ឆ្នាំ២០១៧នេះ សមត្ថកិច្ចខណ្ឌរដ្ឋបាលជលផលខេត្តកំពង់ចាម សហការណ៍ជាមួយកម្លាំងអធិការដ្ឋាននគរបាលស្រុកស្ទឹងត្រង់ កម្លាំងប៉ុស្តិ៍នគរបាលរដ្ឋបាលខ្ពបតាងួន និងអាជ្ញាធរមូលដ្ឋាន បានចុះបង្ក្រាបបទល្មើស នេសាទខុសច្បាប់ នៅចំណុចកោះយួន អន្លង់ខ្លឹម ស្ថិតក្នុងភូមិ-ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។
សមត្ថកិច្ចបានឲ្យដឹងថា ជាលទ្ធផលក្នងការបង្ក្រាបនេះ កម្លាំងចម្រុះបានធ្វើការរឹបអូសបាននូវឧបករណ៍ខុសច្បាប់រួមមាន លូស្បៃមុងចំនួន១៥មាត់ ឧបករណ៍រ៉ាវចំនួន០៧មាត់ របាំងស្បៃមុងចំនួន៥១៥ម៉ែត្រ របាំងរ៉ាវចំនួន១៤០ម៉ែត្រ បង្គោលចំរឹងចំនួន២៥៥ដើម ព្រមទាំងបានចាក់ព្រលែងកូនត្រីចំរុះចូលបឹងធុម្មជាតិវិញចំនួន៥០គីឡូក្រាមផងដែរ។
ដោយឡែកវត្ថុតាងឧបករណ៍ខុសច្បាប់ទាំងអស់ ត្រូវបានសមត្ថកិច្ចយកទៅរក្សាទុកនៅខណ្ឌរដ្ឋបាលជលផលខេត្តកំពង់ចាម ៕
