ម៉ូតូមួយគ្រឿង បុកគ្នាជាមួយរថយន្តVIP វីរៈប៊ុនថាំ បណ្តាលឲ្យស្លាប់អ្នកបើកម៉ូតូ អ្នករួមដំណើរ របួសធ្ងន់កំពុងយកទៅសង្គ្រោះចំណែកតៃកុងរថយន្តគេចខ្លួនបាត់។
នៅវេលាម៉ោង២០,២០យប់ ថ្ងៃទី១ខែកញ្ញា ឆ្នាំ២០១៧ តាមផ្លូវជាតិលេខ៤ ចន្លោះគីឡូម៉ែត្រ២០៤-២០៥ ស្ថិតនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាងម៉ូតូ១គ្រឿងម៉ាក HONDA WAVE ពណ៌ក្រហម បើកបរដោយឈ្មោះ អង់ ភិបុល ភេទប្រុសអាយុ១៩ឆ្នាំ មានទីលំនៅភូមិបឹងជុំ ឃុំបឹងតាព្រហ្ម ស្រុកព្រៃនប់ ព្រះសីហនុ មុខរបរកសិករ និងអ្នករួមដំណើរម្នាក់ ឈ្មោះធឿង ជីញហ៊ើ ភេទប្រុស អាយុ១៨ឆ្នាំមានទីលំនៅដូចគ្នា មានទិសដៅពីក្រុងព្រះ សីហនុ មកព្រៃនប់ លុះដល់ចំណុចខាងលើ ក៏បានបុកជាមួយរថយន្ត១គ្រឿងម៉ាក TOYOTA HIACE ពណ៌ស ពាក់ស្លាកលេខ ភ្នំពេញ2AJ-6305 ជាកម្មសិទ្ធរបស់ក្រុមហ៊ុន វិរៈប៊ុនថាំ ដឹកអ្នកដំណើរ (អ្នកបើកបរ គេចខ្លួនបាត់) ដែលមានទិសដៅបញ្រ្ចាស់គ្នា។
គ្រោះថ្នាក់នេះបណ្ដាលឲ្យស្លាប់មនុស្សម្នាក់នៅនឹងកន្លែងកើតហេតុ និង រងរបួសធ្ងន់មនុស្សម្នាក់ អ្នករួមដំណើរលើម៉ូតូ។
មធ្យោបាយទាំង២សមត្ថកិច្ច បានយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីដោះស្រាយបន្ត។អត្ថបទ៖plice
