កំពង់ចាម: ដោយមើលឃើញនូវទុក្ខលំបាករបស់បងប្អូនប្រជាពលរដ្ឋដែលជាយោធិនពិការ រស់នៅក្នុងមណ្ឌលជនពិការ ស្ថិតក្នុងភូមិទី១ សង្កាត់វាលវង់
ក្រុងកំពង់ចាម នារសៀលថ្ងៃទី០១ ខែកញ្ញា ឆ្នាំ២០១៧នេះ អភិបាល នៃគណៈអភិបាលខេត្តកំពង់ចាម ឯកឧត្តមគួច ចំរើន ដោយមានការចូលរួមពីប្រធាន អនុប្រធានមន្ទីរ អង្គភាពជំនាញពាក់ព័ន្ធ បានអញ្ជើញចុះធ្វើការចែកប័ណ្ណកម្មសិទ្ធិដីធ្លីជូនដល់អតីតយុទ្ធជនចំនួន២៤គ្រួសារ ដោយមិនគិតពីនិន្នាការនយោបាយអ្វីឡើយ។
ជាមួយស្នាមញញឹមដ៏រីករាយរបស់បងប្អូនយោធិនពិការ ដែលទទួលបាននូវបណ្ណ័កម្មសិទ្ធិដីធ្លី ក្នុងពេលនេះ ក៏បានគោរព ថ្លែងអំណរគុណយ៉ាងជ្រាលជ្រៅ ចំពោះរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខថ្នាក់ដឹកនាំ ដែលតែងតែយកចិត្តទុក្ខដាក់ចំពោះជនពិការ ដូចជារូបពួកគាត់ផ្ទាល់ ដែលពីអតីតកាល បានតស៊ូបូជា នូវសាច់ស្រស់ឈាមស្រស់ ដើម្បីបម្រើជាតិ មាតុភូមិ។
បងប្អូនយោធិនពិការ ដែលទទួលបានបណ្ណកម្មសិទ្ធទាំងនោះ ក៏បានគោរពថ្លែងអំណរគុណដល់ ឯកឧត្តមទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងដែនដី នគររូបនីយកម្ម និងសំណង់ ដែលបានជួយសម្របសម្រួលចេញបណ្ណ័កម្មសិទ្ធិ ដីធ្លីជូនដល់ពួកគាត់ ដែលអនុញ្ញាតិឲ្យពួកគាត់ មានសិទ្ធិតាំងទីលំនៅ ប្រើប្រាស់ និងអាស្រយ័ផលដោយស្របច្បាប់។
ជាងនេះទៀត ពួកគាត់ក៏បានគោរពថ្លែងអំណរគុណផងដែរ ជូនដល់អភិបាលខេត្តកំពង់ចាម ឯកឧត្តមគួច ចំរើន ដែលជានិច្ចជាកាល ឯកឧត្តម បានខិតខំប្រឹងប្រែងបម្រើប្រជាពលរដ្ឋអស់ពីចិត្តពីថ្លើម ដោយមិនគិតពីការនឿយហត់ មិនថាពេលយប់ មិនថាថ្ងៃ ឯកឧត្តម តែងតែគិតគូរពីសុខទុក្ខប្រជាពលរដ្ឋគ្រប់កាលះទេសះ។
ជាមួយគ្នានេះដែរ ឯកឧត្តមគួច ចំរើន ក៏បាននាំយកនូវថវិការបស់ សម្តេចតេជោ ហ៊ុន សែន ជួយឧបត្ថម្ភដល់បងប្អូនយោធិនពិការ ក្នុង១គ្រួសារទទួលបានថវិកាចំនួន០៥មឺុនរៀលផងដែរ ៕
