បណ្ដាប្រទេសតំបន់អឺរ៉ុបភាគខាង កើតដែលជាសមាជិករបស់ណាតូដូចជា ប៉ូឡូញ សាធារណរដ្ឋឆែក ឡាត់វៀរ និង ប្រទេសមួយចំនួនទៀតបានបង្កើនមូល និធិសម្រាប់ការពារជាតិរបស់ខ្លួនដោយ សារតែវិបត្ដិតានតឹងនៅអ៊ុយក្រែន ។ កាលពីដើមខែមិថុនា កន្លងមក ប្រធា នាធិបតីអាមេរិក លោកបារ៉ាក់ អូបាម៉ា បានធ្វើទស្សនកិច្ចប៉ូឡូញដើម្បីបង្ហាញពី ការគាំទ្ររបស់អាមេរិកដែលបណ្ដា ប្រទេសជាសម្ពន្ធមិត្ដនៅតំបន់អឺរ៉ុបខាង កើត ។ អាមេរិកបានបង្កើនវត្ដមាន យោធានៅទីនោះដើម្បីរក្សាសន្ដិសុខ សណ្ដាប់ធ្នាប់ជូនបណ្ដាប្រទេសសម្ពន្ធ មិត្ដ ។ លើសពីនេះទៅទៀតលោកអូបាម៉ា បានផ្ដល់ជំនួយជាទឹកប្រាក់១ពាន់លាន ដុល្លារជួយប្រទេសតំបន់អឺរ៉ុបខាងកើត ទប់ទល់នឹងវិបត្ដិនយោបាយនៅអ៊ុយ ក្រែន។
នៅក្នុងសន្និសីទកាសែតរួមនៅ ទីក្រុងវ៉ាស៊ូ ប្រធានាធិបតីប៉ូឡូញ បាន បញ្ជាក់ថា ប្រទេសរបស់លោកបង្កើន កិច្ចសហប្រតិបត្ដិការជាមួយអាមេរិក ។ ក្នុងពេលជាមួយគ្នានេះដែរ សារព័ត៌ មានរៀនូវូស្ទីរបស់រុស្ស៊ីបានផ្សព្វផ្សាយ ថា កម្លាំងទាហានអាកាសរុស្ស៊ីក៏បាន បង្កើនសមត្ថភាពធ្វើសង្គ្រាម។ ទាហាន រុស្ស៊ីនឹងបង្កើនចំនួនយន្ដហោះចម្បាំង នៅឆ្នាំ២០១៤ ឧទ្ធម្ភាគចក្រ ប្រព័ន្ធរ៉ាដា និងកាំជ្រួចមីស៊ីលការពារទំនើបបំផុត S-400 ។ លើសពីនេះទៅទៀត រុស្ស៊ីក៏ បានឡើងគម្រោងធ្វើសមយុទ្ធជាទ្រង់ ទ្រាយធំដែលមានឈ្មោះថា Vostok ឆ្នាំ ២០១៤ ។ រុស្ស៊ីក៏មានគម្រោងទិញសព្វា វុធទំនើបៗសម្រាប់បំពាក់ក្នុងជួរកងទ័ព ដែលជាផ្នែកមួយក្នុងមូលនិធិការពារ ជាតិរុស្ស៊ីដែលមានទឹកប្រាក់រហូតដល់ ៦៥០ពាន់លានដុល្លារ ។ អ្នកឯកទេសវិភាគរបស់ប្រទេស ប៉ូឡូញបានប្រកាសថា វិបត្ដិអ៊ុយក្រែន បានជះឥទ្ធិពលយ៉ាងខ្លាំងដល់សន្ដិសុខ ស្ថិរភាពបណ្ដាប្រទេសក្នុងតំបន់ ពិសេស ប្រទេសតំបន់អឺរ៉ុបភាគខាងកើតជាប់ ព្រំដែនអ៊ុយក្រែន និងរុស្ស៊ី ។
ដូច្នេះបណ្ដាប្រទេសនៅទីនាះ ចាំបាច់ ត្រូវតែផ្លាស់ប្ដូរយុទ្ធសាស្ដ្របន្ថែមប្រាក់ សម្រាប់ការពារជាតិកើនឡើងទ្វេដង ពិសេសសម្រាប់ប្រព័ន្ធកាំជ្រួចមីស៊ីល ការពារតែម្ដង ។ ក្នុងពេលជាមួយគ្នានេះ ទាំងរុស្ស៊ី និង ណាតូសុទ្ធសឹងតែបានបង្កើនការប្រុង ប្រយ័ត្នរៀងៗខ្លួន ហើយជំរុញឱ្យទាហាន ត្រូវតែត្រៀមលក្ខណៈធ្វើសង្គ្រាមជាប់ ជានិច្ច ដោយសារតែស្ថានភាពវិបត្ដិ អ៊ុយក្រែនកំពុងអូសទាញរុស្ស៊ី និងណាតូ ប្រឈមមុខដាក់គ្នា ។
