សៀមរាប ៖ ជនសង្ស័យនិងវត្ថុតាងទាំងអស់នេះត្រូវបានសមត្ថកិច្ចធ្វើការដកហូតបានពីជនសង្ស័យរួចយកមកកាន់ការិយាល័យនគរបាលជំនាញដើម្បីការសួនាំ ។ លោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលនគរបាលប្រឆាំងបទល្មើសនិងលោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានឲ្យដឹងថាដោយអនុវត្តជាប្រចាំតាមបញ្ជាលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពថ្វេដងផងនោះ ។
សមត្ថកិច្ចយើងបានឲ្យដឹងថាជាក់ស្តែងកាលពីថ្ងៃទី១២ខែមិថុនាឆ្នាំ២០១៤កន្លងទៅកម្លាំងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានសហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់ស្លក្រាម ក្រុងសៀមរាប បានធ្វើការតាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យទាំង៥នាក់នេះបានជាបន្តបន្ទាប់
ក្នុងករណីពីរដាច់ដោយឡែកពីគ្នាក្នុងថ្ងៃតែមួយ ជាប់ពាក់ព័ន្ធក្នុងករណីប្រើប្រាស់និងចាត់ចែងអោយប្រើប្រាស់នូវសារធាតុញៀនខុសច្បាប់។ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានបន្តឲ្យដឹងទៀតថាបន្ទាប់ពី សមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យព្រមទាំងវត្ថុតាងទាំងអស់បានហើយនោះនៅមុខសមត្ថកិច្ចជនសង្ស័យបានឆ្លើយសារភាពថា
ពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែនដោយបច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលពីរសៀលថ្ងៃទី១៣ខែមិថុនាឆ្នាំ២០១៤នេះដើម្បីចំណាត់ការទៅតាមនិតិវិធីបន្ត ៕ ដោយ លោក ខេង ខេមរា –>
