ខេត្តកំពត នៅភូមិកំពង់កែស ឃុំត្រពាំងសង្កែ ស្រុកទឹឈូ ខេត្តកំពត កាលពីព្រឹកថ្ងៃទី០២ខែកញ្ញាឆ្នាំ ២០១៧។
អង្គការមូលនិធិអភិវឌ្ឍន៍មុស្លិមកម្ពុជាក្រោមជំនួយសហការឧបត្ថម្ភរបស់អង្គការមូលនិធិទួរគីឌីយ៉ានេត នៃប្រទេសទួរគី ។ បានធ្វើកម្មវិធី ចែកសាច់គោ(គួរបាន)ក្នុងឱកាសពិធីបុណ្យរ៉យ៉ាល់ហាជ្ជីនៃសាសនាឥស្លាមដើម្បី ជូនដល់ប្រជាពលរដ្ឋសាសនឹកខ្មែរឥស្លាម នៅក្នុងខេត្តគោលដៅចំនួន៥ ដែលមានគោសរុបចំនួន១០០ក្បាល 
ក្នុងនោះគោដែលត្រូវធ្វើការបែងចែក៖ មានសម្រាប់ខេត្តកំពតចំនួន៧៥ក្បាល កោះកុង ១២ក្បាល កំពង់ស្ពឺ២ក្បាល ព្រះសីហនុ៦ក្បាលនិងខេត្តកែប៦ក្បាល។ ដោយឡែក នៅក្នុងភូមិកំពង់កែស ឃុំត្រពាំងសង្កែស្រុកទឹកឈូខេត្តកំពតក៏ត្រូវទទួលបានគោចំនួន៩ក្បាលដោយ បែងចែកសម្រាប់ប្រជាពលរដ្ឋចំនួន៤០០គ្រួសារផងដែរ។
មានមតិសំណេះសំណាលឯ.ឧលី សារី សមាជិកក្រុមប្រឹក្សាខេត្ត និងជាប្រធានមូលនិធិអភិវឌ្ឍមុស្លីមកម្ពុជាខេត្តកំពតនិងលោកជំទាវកូប អារីយ៉ាស់ រដ្ឋលេខាធិការក្រសួងកិច្ចការនារីតំណាងឯកឧត្តម ឧស្ម័ន ហាស្សាន់ប្រធានមូលនិធិអភិវឌ្ឍមុស្លីមកម្ពុជា។ 
បានរំលឹកអោយដឹងថា៖ ការបែងចែកសាច់គោជូនដល់ប្រជាពលរដ្ឋក្រីក្រក្នុងពិធីបុណ្យហាជ្ជ គឺជាអំពើកុសលដ៏ប្រពៃនៅក្នុងពិធីបុណ្យមួយនេះសម្រាប់អ្នកដែលមានធនធាន។ ជាមួយគ្នានោះដែរឯ.ឧលី សារី និងលោកជំទាវកូប អារីយ៉ាស់ ក៏បានសំដែងការកោតសរសើរដល់រាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលតែងតែបានយកចិត្តទុកដាក់សម្រួលបង្កភាពងាយស្រួលដល់ប្រជាជាតិរបស់ខ្លួនក្នុងការគោរពជំនឿ និងសាសនារៀងៗខ្លួន។ ក្នុងឱកាសនោះដែរ ឯ.ឧលី សារី និងលោកជំទាវ កូប អារីយ៉ាស់ក៏បានថ្លែងអំណរអរគុណ ដល់បណ្ដាសប្បុរសជនអន្តរជាតិ ពិសេសអង្គការមូលនិធិត
ទួរគីឌីយ៉ានេតនៃប្រទេសទួរគី ដែលតែងតែសហការរាល់សកម្មភាពមនុស្សធម៌នានា ជាមួយអង្គការមូលនិធិអភិវឌ្ឍមុស្លីមកម្ពុជាដើម្បីចូលរួមចំណែកលើកស្ទួយជីវភាពនិងការ កាត់បន្ថយភាពក្រីក្រនៅកម្ពុជាក្នុងនោះក៏សម្រាប់នៅខេត្តកំពតផងដែរ។
